തുർക്കിയിലും സിറിയയിലും ഉണ്ടായ ശക്തമായ ഭൂചലനത്തിൽ മരിച്ചവരുടെ എണ്ണം 21,000 കടന്നു. തിങ്കളാഴ്ച പുലർച്ചെയാണ് 7.8 തീവ്രത രേഖപ്പെടുത്തിയ ഭൂചലനമുണ്ടായത്. തുർക്കിയിൽ 17,674 പേർ മരിച്ചതായി തുർക്കി അധികൃതർ അറിയിച്ചു. സിറിയയിൽ ഇതുവരെ 3,377 പേർ മരിച്ചു.
നിരവധി പേർ ഇനിയും അവശിഷ്ടങ്ങൾക്കിടയിൽ കുടുങ്ങിക്കിടക്കുന്നതിനാൽ കണക്കുകൾ ഇനിയും ഉയരാൻ സാധ്യതയുണ്ടെന്ന് ഏജൻസികളും രക്ഷാപ്രവർത്തകരും മുന്നറിയിപ്പ് നൽകി. അതേസമയം രക്ഷാപ്രവർത്തനത്തിന് അതിശൈത്യം തടസ്സമാകുന്നുണ്ട്. കഹ്‌റാമൻമാരാസിലെ ദുരന്തമേഖലകളിൽ നിന്ന് 28,000ത്തിലധികം പൗരന്മാരെ ഒഴിപ്പിച്ചതായി തുർക്കി ദുരന്ത ഏജൻസി അറിയിച്ചു. ആദ്യ യുഎൻ സഹായ സംഘം തുർക്കിയിൽ നിന്ന് വിമതരുടെ നിയന്ത്രണത്തിലുള്ള വടക്കുപടിഞ്ഞാറൻ സിറിയയിലെത്തി.
സിറിയയിലേക്കുള്ള യാത്രയിലാണെന്ന് ലോകാരോഗ്യ സംഘടന മേധാവി ടെഡ്രോസ് അദാനോം ഗെബ്രിയേസസും പറഞ്ഞു.
English Summary: Turkey-Syria earthquake: death toll passes 21,000
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.