കോഴിക്കോട് മെഡിക്കല് കോളേജില് പ്രസവ ശസ്ത്രക്രിയക്കിടയില് സര്ജിക്കല് സിസര് വയറ്റില് മറന്നുവച്ച് ശസ്ത്രക്രിയ പൂര്ത്തിയാക്കി എന്ന് ആരോപിച്ച ഹര്ഷിന കെ കെയുടെ അപേക്ഷയില് മുഖ്യമന്ത്രിയുടെ ദുരിതാശ്വാസ നിധിയില് നിന്ന് രണ്ട് ലക്ഷം രൂപ അനുവദിക്കാന് തീരുമാനിച്ചു.ആരോഗ്യവകുപ്പിന്റെ കീഴില് നടത്തിയ രണ്ട് അന്വേഷണങ്ങളിലും ശസ്ത്രക്രിയ ഉപകരണം ഏത് അവസരത്തിലാണ് വയറ്റില് കുടുങ്ങിയതെന്ന് കണ്ടെത്താന് കഴിയാത്ത സാഹചര്യത്തില് ആഭ്യന്തര വകുപ്പ് അന്വേഷണം നടത്താനും തീരുമാനിച്ചു.
2017 നവംബര് 30ന് ആയിരുന്നു കോഴിക്കോട് മെഡിക്കല് കോളജ് ആശുപത്രിയിൽ ഹര്ഷിനയുടെ മൂന്നാമത്തെ പ്രസവ ശസ്ത്രക്രിയ നടന്നതും വയറ്റില് കത്രിക മറന്നുവച്ചതും. അഞ്ച് വര്ഷത്തിനു ശേഷം കഴിഞ്ഞ വര്ഷമാണ് മെഡിക്കല് കോളജില് വച്ചുതന്നെ ഈ കത്രിക പുറത്തെടുത്തത്. ഈ സംഭവത്തില് അഞ്ചുമാസമായി ആരോഗ്യവകുപ്പിന്റെ അന്വേഷണം നടന്നിരുന്നു. 2022 സെപ്റ്റംബറിൽ കോഴിക്കോട് മെഡിക്കൽ കോളജിൽ മറ്റൊരു ശസ്ത്രക്രിയയിലൂടെ 6 സെന്റീമീറ്റർ നീളമുള്ള കത്രിക നീക്കം ചെയ്തുവെന്നും ഹര്ഷിന പറഞ്ഞു.
English Summary: Scissors forgotten in stomach during surgery incident: Home Department grants compensation
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.