കേരളത്തിന്റെ നവോത്ഥാന നായകനും സാമൂഹ്യ പരിഷ്ക്കര്‍‍ത്താവുമായ മഹാത്മാ അയ്യന്‍കാളിയുടെ ചിത്രത്തെ വികലമാക്കി സമൂഹ മാധ്യമങ്ങളിലൂടെ അപമാനിച്ചവരെ ഇതുവരെ കണ്ടെത്താന്‍ കഴിയാത്ത പൊലീസ് നടപടി അപഹാസ്യമെന്ന് അഖിലേന്ത്യാ ദളിത് അവകാശസമിതി.
കുറ്റവാളിക്കെതിരെ ഡിജിപിക്ക് പരാതി നല്‍കിയതിന്റെ അടിസ്ഥാനത്തില്‍ പൊലീസ് ശക്തമായ നടപടി സ്വീകരിക്കണമെന്ന് എഐഡിആര്‍എം സംസ്ഥാന പ്രസിഡന്റ് അഡ്വ. എന്‍ രാജനും ജനറല്‍ സെക്രട്ടറി മനോജ് ബി ഇടമനയും ആവശ്യപ്പെട്ടു.
പ്രജാസഭ കൂടിയ വിജെടി ഹാളിന് അയ്യൻകാളിയുടെ പേര് എൽഡിഎഫ് സർക്കാർ നല്‍കി ആദരിച്ച ഈ കാലഘട്ടത്തിൽ പോലും അയ്യൻകാളിയെ അപമാനിച്ച സംഭവം പ്രതിഷേധാർഹമാണ്. കുകുച ടി എം എന്ന ഫേസ്ബുക്ക് അക്കൗണ്ടിലൂടെയാണ് അധിക്ഷേപകരമായ പോസ്റ്റുകള്‍ പ്രചരിപ്പിച്ചത്. ജാതിഅവഹേളനം, മതസ്പർധ ഉണ്ടാക്കൽ, കലാപം സൃഷ്ടിക്കൽ എന്നിവക്ക് ഇടയാക്കുന്ന സൈബര്‍ കുറ്റകൃത്യമാണ് ചെയ്തിരിക്കുന്നത്. ഇത്രയും ദിവസം പിന്നിട്ടിട്ടും ഫേസ്ബുക്ക് അക്കൗണ്ടിന്റെ ഉടമയെ കണ്ടെത്താനോ കേസ് എടുത്ത് നിയമനടപടി സ്വീകരിക്കാനോ പൊലീസിന് കഴിഞ്ഞിട്ടില്ല. അതിനാല്‍ എത്രയും പെട്ടെന്ന് പ്രതികൾക്കെതിരെ മാതൃകാപരമായ നടപടി സ്വീകരിക്കണമെന്ന് ഭാരവാഹികള്‍ ആവശ്യപ്പെട്ടു.
English Summary: All India Dalit Rights Committee on Ayyankali’s desecration incident
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.