ഉഭയ സമ്മതത്തോടെയുള്ള ലൈംഗിക ബന്ധത്തില് ഏര്പ്പെടാനുള്ള കുറഞ്ഞ പ്രായം 18‑ല്നിന്ന് 16 ആയി കുറക്കണമെന്ന് മധ്യപ്രദേശ് ഹൈക്കോടതി. ലൈംഗികബന്ധത്തില് ഏര്പ്പെടാനുള്ള കുറഞ്ഞ പ്രായം 18 ആയി ഉയര്ത്തിയത് സാമൂഹികഘടനയെ ബാധിച്ചതായതും ഹൈക്കോടതിയിലെ ജസ്റ്റിസ് ദീപക് കുമാര് അഗര്വാള് ചൂണ്ടിക്കാട്ടി.
സാമൂഹികമാധ്യമങ്ങളില്നിന്നും ഇന്റര്നെറ്റ് സൈറ്റുകളില്നിന്നും ലഭിക്കുന്ന വിവരങ്ങളുടെ അടിസ്ഥാനത്തില് പതിനെട്ട് വയസ്സിന് താഴെയുള്ള ആണ്കുട്ടികളും പെണ്കുട്ടികളും പരസ്പര സമ്മതത്തോടെ ലൈംഗിക ബന്ധത്തില് ഏര്പ്പെടാറുണ്ടെന്ന് ജസ്റ്റിസ് ദീപക് കുമാര് ചൂണ്ടിക്കാട്ടി. ഈ സാഹചര്യത്തില് ഉഭയ സമ്മതത്തോടെയുള്ള ലൈംഗികബന്ധത്തില് ഏര്പ്പെടാനുള്ള കുറഞ്ഞ പ്രായം 18‑ല്നിന്ന് 16 ആയി കുറക്കണമെന്നാണ് കേന്ദ്ര സര്ക്കാരിനോട് മധ്യപ്രദേശ് ഹൈക്കോടതി അഭ്യര്ത്ഥിച്ചത്.
ക്രിമിനല് നിയമത്തില് 2013‑ല് കൊണ്ടുവന്ന ഭേദഗതിപ്രകാരമാണ് ഉഭയ സമ്മതത്തോടെയുള്ള ലൈംഗികബന്ധത്തില് ഏര്പ്പെടാനുള്ള കുറഞ്ഞ പ്രായം 16‑ല്നിന്ന് 18 ആയി ഉയര്ത്തിയത്. ഇന്ത്യന് ശിക്ഷാ നിയമത്തിലെ 375-ാം വകുപ്പ് പ്രകാരം 18 വയസില് താഴെയുള്ളവരുമായി ലൈംഗിക ബന്ധത്തിലേര്പ്പെടുന്നത് കുറ്റകരമാണ്.
English Summary: age of consensual sex should be lowered to 16: madhya pradesh high court
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.