മഹാരാഷ്ട്രയിലെ റായ്ഗഡിൽ 27 പേരുടെ മരണത്തിനിടയാക്കിയ മണ്ണിടിച്ചില് കുടുങ്ങിപ്പോയ 78 പേരെ ഇനിയും കണ്ടെത്താനായിട്ടില്ലെന്ന് റിപ്പോര്ട്ടുകള്. രക്ഷാപ്രവർത്തനം താല്ക്കാലികമായി നിര്ത്തിവച്ചിരിക്കുകയാണെന്ന് ജില്ലാ ഭരണകൂടം അറിയിച്ചു.
ഒടുവില് കണ്ടെത്തിയ മൃതദേഹം അഴുകിയ നിലയിലായിരുന്നു. മനുഷ്യര്ക്കൊപ്പം നിരവധി മൃഗങ്ങളും മണ്ണിടിച്ചിലില്പ്പെട്ടിരുന്നു. പ്രദേശത്ത് കനത്ത മഴ തുടരുന്ന സാഹചര്യത്തില് രക്ഷാപ്രവര്ത്തനങ്ങളുമായി മുന്നോട്ട് പോകുന്നത് ദുഷ്കരമാണെന്ന് അധികൃതര് അറിയിച്ചു.
ദുരന്തത്തിൽ നഷ്ടപ്പെട്ട ഭൂമി റവന്യൂ സംഘം വിലയിരുത്തി ദുരിതബാധിതർക്ക് ഭൂമി അനുവദിക്കുന്നതിനുള്ള നിർദേശം നൽകുമെന്നും അധികൃതര് അറിയിച്ചു.
ഉരുൾപൊട്ടലിൽ ആധാർ കാർഡുകൾ ഉൾപ്പെടെയുള്ള വിവിധ സർട്ടിഫിക്കറ്റുകളും രേഖകളും നഷ്ടപ്പെട്ട ഗ്രാമീണർക്ക് പുതിയവ വിതരണം ചെയ്യുന്നതിനായി പ്രത്യേക ക്യാമ്പ് സംഘടിപ്പിക്കുമെന്നും ഉദ്യോഗസ്ഥർ കൂട്ടിച്ചേർത്തു.
ഉരുൾപൊട്ടലിൽ വീട് നഷ്ടപ്പെട്ടവരെ പുനരധിവസിപ്പിക്കുന്നതിന്റെ ഭാഗമായി ഇർഷൽവാഡിയിലെ മുഴുവൻ ആളുകൾക്കും വീട് നൽകുമെന്ന് സംസ്ഥാന സർക്കാർ അറിയിച്ചു.
English Summary: Raigad disaster: 78 still missing; The rescue operation was called off
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.