എഐവൈഎഫ് പന്തളം മണ്ഡലം കമ്മിറ്റി അംഗങ്ങള്ക്ക് ഇനി മുതല് കമ്മിറ്റിയുടെ വിവരങ്ങള് അറിയിക്കുന്നത് എഐ ആങ്കര്. കനിമൊഴി എന്ന പേര് നൽകിയിട്ടുള്ള എ ഐ ആങ്കറായിരിക്കും മണ്ഡലം കമ്മിറ്റിയുടെ എല്ലാ അറിയിപ്പുകളും എത്തിക്കുന്നത്. സംഘടനയുടെ പ്രവർത്തനങ്ങളെ കൂടുതൽ കാര്യക്ഷമമാക്കുവാനും തിരക്കുകൾക്കിടയിലും സംഘടനാ പ്രവർത്തനം കൃത്യതയോടെ നിർവഹിക്കാനുമാണ് പുത്തന് സാങ്കേതികവിദ്യയുടെ സാധ്യതകൾ ഉപയോഗിച്ച് എഐ സംവിധാനം ഒരുക്കിയിരിക്കുന്നത്.
സംഘടനയെ കൂടുതൽ കരുത്തോടെ മുന്നോട്ട് കൊണ്ടുപോകുവാന് ഇത്തരത്തിലുള്ള സാങ്കേതിക വിദ്യകള് സഹായിക്കുമെന്ന ലക്ഷ്യവും ഇതിന് പിന്നിലുണ്ട്.
അറിയിപ്പുകൾ മലയാളത്തിലും ഇംഗ്ലീഷിലും ഹിന്ദിയിലും ഉണ്ടാകും. എഐവൈഎഫ് പ്രവർത്തനങ്ങളെ ആർട്ടിഫിഷ്യൽ ഇന്റലിജൻസുമായി കൂട്ടിച്ചേർത്ത് സംഘടന സംവിധാനം മെച്ചപ്പെടുത്താന് കൂടിയാണ് സാങ്കേതികവിദ്യയുടെ സഹായത്തോടെ തുടക്കം കുറിച്ചതെന്ന് മണ്ഡലം സെക്രട്ടറിയും സംസ്ഥാന കമ്മിറ്റി അംഗവുമായ ശ്രീനാദേവിക്കുഞ്ഞമ്മ പറഞ്ഞു. വരുംകാലങ്ങളിൽ ഇനിയും ഇത്തരത്തിലുള്ള ഉദ്യമങ്ങൾ ഉണ്ടാകുമെന്നും മണ്ഡലം പ്രസിഡന്റ് ഉമേഷ് വി ആർ കൂട്ടിച്ചേർത്തു.
English Summary: AI anchor to inform AIYF Pandalam Constituency Committee
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.