ഗാസയിൽ ഇസ്രയേല്‍ നടത്തുന്ന ബോംബാക്രമണങ്ങളെയും അതിക്രമങ്ങളെയും വിമർശിച്ച് എഐസിസി ജനറൽ സെക്രട്ടറി പ്രിയങ്ക ഗാന്ധി.അന്താരാഷ്ട്ര സമൂഹത്തിലെ അംഗമെന്ന നിലയിൽ ഇന്ത്യ സത്യത്തിനൊപ്പം നിൽക്കണമെന്നും അത് രാജ്യത്തിന്റെ കടമയാണെന്നും പ്രിയങ്ക പറഞ്ഞു.
പലസ്തീന്‍ എന്ന രാജ്യം ഇസ്രയേല്‍പൂർണമായും തുടച്ചുനീക്കുകയാണെന്നും പ്രിയങ്ക ചൂണ്ടിക്കാട്ടി. ഗാസയിലെ ബോംബാക്രമണം മുമ്പത്തേക്കാൾ ക്രൂരതയോടെ തുടരുകയാണ്. കുറച്ച് ഭക്ഷണമുണ്ട്, മെഡിക്കൽ സൗകര്യങ്ങൾ ഇല്ലാതായി, അടിസ്ഥാന സൗകര്യങ്ങൾ ഇല്ലാതാക്കിയിരിക്കുന്നു. പതിനായിരത്തോളം കുട്ടികളും 60-ലധികം മാധ്യമപ്രവർത്തകരും നൂറുകണക്കിന് മെഡിക്കൽ ജീവനക്കാരും ഉൾപ്പെടെ 16,000 നിരപരാധികളായ സാധാരണക്കാർ ഗാസയിൽ കൊല്ലപ്പെട്ടതായി അവര്‍ പറയുന്നു. അന്താരാഷ്ട്ര വേദികളിൽ ഇന്ത്യ പലപ്പോഴും ശരിയായ നിലപാടുകൾ സ്വീകരിച്ചിട്ടുണ്ടെന്നും പ്രിയങ്ക പറഞ്ഞു.
ദക്ഷിണാഫ്രിക്കയിലെ വർണ്ണവിവേചനത്തിനെതിരെ ഇന്ത്യ സർക്കാരിനെതിരെ പോരാടിയതെങ്ങനെയെന്നും പ്രിയങ്ക അനുസ്മരിച്ചു. സ്വാതന്ത്ര്യത്തിനായുള്ള നീണ്ട പോരാട്ടത്തിൽ പലസ്തീൻ ജനതയെ ആദ്യം മുതൽ പിന്തുണച്ചിരുന്നതായും പ്രിയങ്ക കൂട്ടിച്ചേർത്തു. എന്നാൽ ഇപ്പോൾ പലസ്തീനിൽ നടക്കുന്ന വംശഹത്യയെക്കുറിച്ച് സംസാരിക്കുന്നതിൽ നിന്ന് ഇന്ത്യ വിട്ടുനിൽക്കുകയാണെന്ന് പ്രിയങ്ക ആരോപിച്ചു. പലസ്തീനികളും നമ്മളെപ്പോലെ ജീവിതം സ്വപ്‌നങ്ങൾ കാണുന്നവരാണെന്നും എന്നാൽ അവർ നമ്മുടെ മുന്നിൽ മരണത്തിലേക്ക് വലിച്ചിഴക്കപ്പെടുമ്പോൾ നമ്മുടെ മനുഷ്യത്വം എവിടെ പോയെന്നും പ്രിയങ്ക ചോദിച്ചു. ഫലസ്തീനിൽ എത്രയും വേഗം വെടിനിർത്തൽ ഉറപ്പാക്കാൻ ഇന്ത്യ സാധ്യമായതെല്ലാം ചെയ്യണമെന്നും പ്രിയങ്ക ആവശ്യപ്പെട്ടു.
English Summary:
Where has our humanity gone: Priyanka says India is keeping silent on Gaza genocide
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.