അപൂര്വ രോഗ പരിചരണത്തിനായി ‘കെയര്’ എന്ന പേരില് സമഗ്ര പദ്ധതി കേരളം ആരംഭിക്കുന്നു. രോഗങ്ങള് പ്രതിരോധിക്കാനും നേരത്തെ കണ്ടെത്താനും ചികിത്സകള് ലഭ്യമായ സാഹചര്യങ്ങളില് അവ ലഭ്യമാക്കാനും മരുന്നുകള് കൂടാതെ സാധ്യമായ തെറാപ്പികള്, സാങ്കേതിക സഹായ ഉപകരണങ്ങള് ലഭ്യമാക്കുക, ഗൃഹ കേന്ദ്രീകൃത സേവനങ്ങളും മാതാപിതാക്കള്ക്കുള്ള മാനസിക, സാമൂഹിക പിന്തുണയും ഉറപ്പ് വരുത്തുക തുടങ്ങിയ സേവനങ്ങള് ഉള്ക്കൊള്ളുന്ന സമഗ്ര പരിചരണ പദ്ധതിയാണ് സംസ്ഥാന സര്ക്കാര് ലക്ഷ്യമിടുന്നത്.
കെയര് പദ്ധതിയുടെ ഔദ്യോഗിക പ്രഖ്യാപനവും 61 നഗര ജനകീയ ആരോഗ്യ കേന്ദ്രങ്ങളുടേയും 31 ഐസൊലേഷന് വാര്ഡുകളുടേയും സംസ്ഥാനതല ഉദ്ഘാടനവും ആറിന് വൈകിട്ട് 3.30ന് തിരുവനന്തപുരം ടാഗോര് തിയേറ്ററില് മുഖ്യമന്ത്രി പിണറായി വിജയന് നിര്വഹിക്കും. ആരോഗ്യമന്ത്രി വീണാ ജോര്ജ് അധ്യക്ഷത വഹിക്കും. തദ്ദേശസ്വയംഭരണ മന്ത്രി എം ബി രാജേഷ്, വിദ്യാഭ്യാസ മന്ത്രി വി ശിവന്കുട്ടി എന്നിവര് മുഖ്യാതിഥികളാകും. അപൂര്വരോഗ ചികിത്സാ രംഗത്തെ കേരളത്തിന്റെ നിര്ണായക ചുവടുവയ്പാണിതെന്ന് ആരോഗ്യ മന്ത്രി വീണാ ജോര്ജ് പറഞ്ഞു.
ചികിത്സയ്ക്കായി ആദ്യമായി എസ്എടി ആശുപത്രിയില് എസ്എംഎ ക്ലിനിക് ആരംഭിച്ചു. അതിന് പിന്നാലെ അപൂര്വ രോഗങ്ങള്ക്ക് വിലപിടിപ്പുള്ള മരുന്നുകളും ലൈസോസോമല് സ്റ്റോറേജ് രോഗങ്ങള്ക്ക് മരുന്നും നല്കുന്ന പദ്ധതി നടപ്പിലാക്കി. രണ്ട് പദ്ധതികളിലുമായി 61 കുട്ടികള്ക്ക് മരുന്ന് നല്കി. എസ്എടി ആശുപത്രിയെ അപൂര്വ രോഗങ്ങളുടെ സെന്റര് ഓഫ് എക്സലന്സായി തെരഞ്ഞെടുത്തിരുന്നു.
ഈ പദ്ധതിയിലൂടെ ഒരു രോഗിക്ക് പരമാവധി 50 ലക്ഷം രൂപ വരെയുള്ള ചികിത്സയാണ് നല്കാന് കഴിയുന്നത്. എന്നാല് പല രോഗങ്ങളുടെയും നിലവിലെ ചികിത്സകള്ക്ക് ഈ തുക മതിയാകില്ല എന്നതാണ് യാഥാര്ഥ്യം. ഇത് കൂടി മുന്നില് കണ്ടാണ് സര്ക്കാര് അപൂര്വ രോഗങ്ങള്ക്കുള്ള സമഗ്ര പരിചരണ പദ്ധതി നടപ്പിലാക്കുന്നതെന്നും മന്ത്രി പറഞ്ഞു.
English Summary: A Comprehensive Care Plan for Rare Diseases
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.