പ്രേമത്തിന്റെ ഭാഷയില്
പറഞ്ഞാല്
രാത്രിയിലുദിച്ച മണ്സൂര്യനാണ്
ചന്ദ്രിക
തീവയില് പെറ്റ മഴമിന്നലാണ്
പൂമരം
ഏകാകികള് പാര്ക്കും ശലഭഹൃദയമാണ്
മഞ്ചാടി
നീര്മാതളങ്ങള് പൂത്ത വിരഹമുറ്റമാണ്
സായാഹ്നം!!
പ്രേമത്തിന്റെ ഭാഷയില്
പറഞ്ഞാല്
സങ്കടംപെറ്റ കടങ്കഥയാണ്
വസന്തം
കരള്പിഴിഞ്ഞ്
വിരുന്നെത്തിയ മിഴിനീരാണ്
സമുദ്രം
മഴവില്ലിന്റെ ആത്മാവ്
ചുട്ടുപൊള്ളിച്ചതാണ്
ചുംബനം!!
പ്രേമത്തിന്റെ ഭാഷയില്
പറഞ്ഞാല്
കൈവെള്ളയില് ദിക്കുകളെ
തിറയാടിക്കാനാണ്
ചിലമ്പ്
നിശാഗന്ധിയെ
നെഞ്ചോടുചേര്ത്ത നീല
നക്ഷത്രങ്ങളുടെ
നിശ്ശബ്ദഗീതമാണ്
ഈ നിമിഷം
പ്രേമത്തിന്റെ ഭാഷ
ഈ നിമിഷത്തിലല്ലാതെ
പിന്നീടൊരിക്കലും ഉച്ചരിക്കാന്
പോകുന്നില്ലെന്ന്
പ്രേമമേ, നീയറിയുന്നുണ്ടോ?!
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.