സാമൂഹിക പ്രവര്‍ത്തകന്‍ അരുണ്‍ ഫെരേരയ്ക്ക് രണ്ട് ലക്ഷം രൂപ നഷ്ടപരിഹാരം നല്‍കാന്‍ മഹാരാഷ്ട്ര സര്‍ക്കാരിനും ജയില്‍ സൂപ്രണ്ടിനും നിര്‍ദേശം നല്‍കി മനുഷ്യാവകാശ കമ്മിഷന്‍. നവി മുംബൈയിലെ തലോജ ജയിലില്‍ വച്ച് അരുണ്‍ തന്റെ അമ്മയ്ക്ക് അയച്ച കത്ത് ജയില്‍ അധികൃതര്‍ തട‍ഞ്ഞുവച്ചതിനെ തുടര്‍ന്നാണ് നടപടി.
2018ലെ ഭീമ കൊറേഗാവില്‍ നടന്ന ആക്രമണത്തില്‍ പങ്കുണ്ടെന്നാരോപിച്ച് ജയിലില്‍ കഴിഞ്ഞിരുന്ന 16 സാമൂഹിക പ്രവര്‍ത്തകരില്‍ ഒരാളായിരുന്നു അരുണ്‍. കഴിഞ്ഞ വര്‍ഷമാണ് ഇദ്ദേഹം ജാമ്യത്തിലിറങ്ങിയത്. ജയില്‍ അധികൃതരുടെ ഇത്തരം നടപടികള്‍ മൗലികാവകാശ ലംഘനമാണെന്ന് സംസ്ഥാന മനുഷ്യാവകാശ കമ്മിഷന്‍ അഭിപ്രായപ്പെട്ടു. തടവുകാരെ എങ്ങനെ നിരീക്ഷിക്കണമെന്നതിനെ സംബന്ധിച്ച് ജയില്‍ അധികൃതരെ ബോധവല്‍ക്കരിക്കണമെന്നും മഹാരാഷ്ട്ര ആഭ്യന്തര വകുപ്പിനോട് കമ്മിഷന്‍ നിര്‍ദേശിച്ചിട്ടുണ്ട്.
English Summary: The incident where the prison authorities intercepted the letter
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.