തനിക്കെതിരായ ആരോപണങ്ങൾ അടിസ്ഥാനരഹിതമാണെന്ന് തോമസ് കെ തോമസ് എംഎൽഎ വാർത്താസമ്മേളനത്തിൽ പറഞ്ഞു. ബിജെപി സഖ്യകക്ഷിയായ അജിത് പവാറിന്റെ എൻസിപിയിലേക്ക് കൂറുമാറ്റാൻ രണ്ട് എൽഡിഎഫ് എംഎൽഎമാർക്ക് 100 കോടി വാഗ്ദാനം നൽകിയെന്ന വിവാദത്തിൽ പ്രതികരിക്കുകയായിരുന്നു അദ്ദേഹം. കോഴ ആരോപണത്തിന് പിന്നിലെ ഗൂഢാലോചനയ്ക്ക് പിന്നില്‍ ആന്റണി രാജുവും തല്പര കക്ഷികളുമാണ്. താൻ മന്ത്രിയാകുമെന്ന ഘട്ടത്തിലാണ് ആരോപണം ഉയർന്നുവന്നത്. താൻ ശരദ്പവാറിനൊപ്പം നിൽക്കുന്ന വ്യക്തിയാണ്. പിസി ചാക്കോയോട് ഇക്കാര്യം പറഞ്ഞത് മുഖ്യമന്ത്രി തന്നെയാണ്. ഇത്തരം വിഷയങ്ങൾ നിയമസഭാ ലോബിയിലാണോ ചർച്ച ചെയ്യുന്നതെന്നും അദ്ദേഹം ചോദിച്ചു.
കുട്ടനാട് സീറ്റ് ലക്ഷ്യംവച്ചുള്ള നീക്കമാണ് ഇതിന് പിന്നിലെന്ന് സംശയിക്കുന്നതായി തോമസ് കെ തോമസ് പറഞ്ഞു. തന്റെ ഫോൺ രേഖകൾ പരിശോധിക്കാവുന്നതാണ്. കുട്ടനാട്ടിലെ കുടിവെള്ള പദ്ധതിയാണ് തന്റെ പ്രവർത്തനത്തില്‍ മുഖ്യം. താൻ നാളുകളായി അതിന്റെ പിറകേയാണെന്ന് അദ്ദേഹം കൂട്ടിച്ചേർത്തു.
എന്തിനാണ് തന്നോട് ആന്റണിരാജു പകപോക്കുന്നതെന്നറിയില്ല. കാര്യങ്ങളെല്ലാം ശരദ്പവാറുമായി ചർച്ചചെയ്യും. പി സി ചാക്കോ വിഷയത്തിൽ പ്രതികരിക്കുമെന്നും അദ്ദേഹം പറഞ്ഞു. ഉപതെരെഞ്ഞെടുപ്പിന് ശേഷം താൻ മന്ത്രി ആകുമെന്ന് തോമസ് കെ തോമസ് പറഞ്ഞു.
എ കെ ശശീന്ദ്രൻ നല്ല മന്ത്രിയാണ്. മന്ത്രി മാറ്റം പാർട്ടി തീരുമാനം ആണെന്നും തോമസ് കെ തോമസ് പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.