നഗരത്തിലെ പിഡബ്ല്യുഡി റസ്റ്റ് ഹൗസിലെ ശുചിമുറിയില് കോണ്ക്രീറ്റ് സീലിംഗ് ഇളകി വീണു. തിരുവനന്തപുരം ലീഗല് മെട്രോളജി വകുപ്പിലെ ഉദ്യോഗസ്ഥന് തലനാരിഴയ്ക്കാണ് പരിക്കേല്ക്കാതെ രക്ഷപ്പെട്ടത്. ഇന്ന് രാവിലെയായിരുന്നു സംഭവം. ആലപ്പുഴ സിവില് സ്റ്റേഷനില് പ്രവര്ത്തിക്കുന്ന ഡെപ്യൂട്ടി കണ്ട്രോളര് ഓഫീസിലേയ്ക്ക് പരിശോധനയ്ക്ക് എത്തിയതായിരുന്നു ലീഗല് മെട്രോളജി വകുപ്പിലെ ഉദ്യോഗസ്ഥര്. പിഡബ്ല്യുഡി റസ്റ്റ് ഹൗസിലായിരുന്നു ഇവര് താമസിച്ചിരുന്നത്. രാവിലെ ടോയ്ലറ്റില് പോയ ശേഷം ഒരു ഉദ്യോഗസ്ഥന് പുറത്തേക്ക് ഇറങ്ങുന്നതിനിടെയാണ് സീലിംഗ് തകര്ന്ന് വീണത്. ലീഗല് മെട്രേളജി വകുപ്പിലെ ജൂനിയര് സൂപ്രണ്ട് ജി ആര് അനിലാണ് അപകടത്തില് നിന്ന് തലനാരിഴയ്ക്ക് രക്ഷപ്പെട്ടത്. കോണ്ക്രീറ്റ് നിലത്ത് വീണ് പൊട്ടിച്ചിതറിയതിന്റെ ദൃശ്യങ്ങളും പുറത്തുവന്നിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.