ഉത്തർപ്രദേശിലെ കനൌജ് റയിൽവേ സ്റ്റേഷനിലെ പണി നടന്നുകൊണ്ടിരുക്കുന്ന കെട്ടിടം തകർന്ന് വീണ് നിരവധി തൊഴിലാളികൾ കെട്ടിടാവശിഷ്ടങ്ങൾക്കുള്ളിൽ പെട്ടു. റയിൽവേ സ്റ്റേഷൻ മോഡി പിടിപ്പിക്കുന്നതിൻറെ ഭാഗമായി ഇരുനില കെട്ടിടത്തിൻറെ പണി നടക്കുന്നതിനിടെയാണ് സംഭവം.
അപകടം നടക്കുമ്പോൾ 35ഓളം തൊഴിലാളികൾ സംഭവ സ്ഥലത്തുണ്ടായിരുന്നു. റയിൽവേ ‚പൊലീസ്,അഡ്മിനിസ്ട്രേറ്റീവ് ഉദ്യോഗസ്ഥർ എന്നിവരുടെ നേതൃത്വത്തിൽ നടത്തിയ രക്ഷാപ്രവർത്തനങ്ങളിലൂടെ 23 തൊഴിലാളികളെ കെട്ടിടാവശിഷ്ടങ്ങൾക്കിടയിൽ നിന്നും രക്ഷപ്പെടുത്തിയിട്ടുണ്ട്.
സംസ്ഥാന സർക്കാർ അപകടത്തിൽ ഗുരുതര പരിക്കേറ്റവർക്ക് 50,000 രൂപയും ചെറിയ പരിക്കുകളോടെ രക്ഷപ്പെട്ടവർക്ക് 5,000 രൂപയും നഷ്ടപരിഹാരം പ്രഖ്യാപിച്ചിട്ടുണ്ട്. ദുരിതാശ്വാസ രക്ഷാ പ്രവർത്തനങ്ങൾ യുദ്ധ കാലാടിസ്ഥാനത്തിൽ നടക്കുന്നുണ്ടെന്ന് നോർത്ത് ഈസ്റ്റേൺ റെയിൽവേ അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.