മഹാ കുംഭമേളയില് തിക്കിലും തിരക്കിലും പെട്ട് 10 പേര് മരിച്ചതായി റിപ്പോര്ട്ട്. മൗനി അമാവാസി ചടങ്ങുകൾക്കിടെയാണ് അപകടമുണ്ടായത്. എന്നാല് ഔദ്യോഗികമായി സ്ഥിരീകരിച്ചിട്ടില്ല. 50 ഓളം പേര്ക്ക് പരിക്കേറ്റിട്ടുണ്ട്. പുലര്ച്ചെ 1.30 ഓടെയായിരുന്നു അപകടം.
കനത്ത സുരക്ഷ ഒരുക്കിയിരുന്നെങ്കിലും പുലർച്ചെയോടെ വന് ജനത്തിരക്ക് ഉണ്ടാവുകയായിരുന്നു. തിക്കിലും തിരക്കിലും ബാരിക്കേഡുകള് തകര്ന്ന് വീണാണ് അപകടം. പിന്നാലെ പരിക്കേറ്റവരെ ആശുപത്രിയില് പ്രവേശിപ്പിച്ചു. പ്രധാനമന്ത്രി നരേന്ദ്ര മോഡി നിലവിലെ സാഹചര്യം വിലയിരുത്തി. അതേസമയം തിരക്കിനെ തുടര്ന്ന് അമൃത് സ്നാന ചടങ്ങുകൾ നിർത്തിവെച്ചതായി അധികൃതർ അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.