ചെറുകിട സംരംഭരെ കൈവിടാത്ത ബജറ്റാണ് സഭയില് ധനമന്ത്രി ബാലഗോപാല് സംഭയില് അവതരിപ്പിച്ചത്.സംസ്ഥാനത്തെ സൂക്ഷ്മ ചെറുകിട ഇടത്തര സംരംഭങ്ങള്, കുടുംബശ്രീ എന്നിവയെ സംയോജിപ്പിച്ച് പ്രാദേശികമായി കളിപ്പാട്ട ഉദ്പാദനത്തില് പദ്ധതികള് ആവിഷ്കരിക്കുമെന്ന് ബജറ്റില് ധനമന്ത്രി കെ എന് ബാലഗോപാല് പറഞ്ഞു.ഇതിനായി 5 കോടി രൂപ വകയിരുത്തിയിരിക്കുന്നത്. ഇതു കൂടാതെ കരകൗശല മേഖലയ്ക്ക് 4.1കോടിയും ചകിരിച്ചോര് വികസനപദ്ധതിക്ക് 5 കോടിയും ബജറ്റില് വകയിരുത്തിയിട്ടുണ്ടെന്ന് നിയമസഭയില് ബജറ്റ് അവതരിപ്പിച്ചുകൊണ്ട് ധനമന്ത്രി കെ എന് ബാലഗോപാല് അറിയിച്ചു.
ആരോഗ്യ ടൂറിസം മേഖലയില് കേരളത്തിന് വലിയ സാധ്യതകളുണ്ടെന്നും പദ്ധതിക്കായി 50 കോടി രൂപ അനുവദിച്ചുവെന്നും ധനമന്ത്രി കെ എന് ബാലഗോപാല് അറിയിച്ചു. വിദേശരാജ്യങ്ങളില് ഉള്പ്പെടെ പ്രചാരണം നടത്തണമെന്നും അദ്ദേഹം കൂട്ടിച്ചേര്ത്തു.ലൈഫ് പദ്ധതിയില് ഒരു ലക്ഷം വീടുകള് കൂടി പൂര്ത്തിയാക്കുമെന്നും അതിനായി 1160 കോടി രൂപ അനുവദിച്ചുവെന്നും ധമന്ത്രി കെ എന് ബാലഗോപാല് അറിയിച്ചു. 2025നെ കേരളം സ്വാഗതം ചെയ്തത് പുനരധിവാസ പ്രഖ്യാപനവുമായി ആണെന്നും മുണ്ടക്കൈ – ചൂരല്മല ദുരന്തത്തിന്റെ നഷ്ടം 1021 കോടി രൂപയാണെന്നും അദ്ദേഹം പറഞ്ഞു.ദുരന്തത്തില് കേന്ദ്രം സഹായം നല്കിയില്ല.
എല്ലാവരുടെയും പിന്തുണയുണ്ടാകുമെന്ന് പ്രതീക്ഷയിലാണ് സര്ക്കാര് പുനരധിവാസ പ്രവര്ത്തനങ്ങളുമായി മുന്നോട്ട് പോയത്. എന്നാല് കേന്ദ്രസര്ക്കാര് ഇതുവരെ ഒരു തുക പോലും അനുവദിച്ചിട്ടില്ല.പക്ഷേ സംസ്ഥാന സര്ക്കാര് പുനരധിവാസം സമയബന്ധിതമായി പൂര്ത്തിയാക്കും. അതിന് ആദ്യ ഗഡുവായി 750 കോടി രൂപ അനുവദിച്ചുവെന്നും മന്ത്രി പറഞ്ഞു.സാമ്പത്തിക പ്രതിസന്ധിയെ സംസ്ഥാനം അതിജീവിച്ചുവെന്ന സന്തോഷ വാര്ത്ത പങ്കുവെച്ചുകൊണ്ടാണ് ധനമന്ത്രി കെ എന് ബാലഗോപാല് നിയമസഭയില് ബജറ്റ് അവതരണം ആരംഭിച്ചത്. കേരളത്തിന്റെ സമ്പത്ത് ഘടന അതിവേഗ വളര്ച്ചയുടെ പാതയിലാണെന്നും കേരളത്തിന്റെ ആഭ്യന്തര ഉത്പാദന വളര്ച്ച വളരെ മെച്ചപ്പെട്ട നിലയിലാണെന്നും ധനമന്ത്രി പറഞ്ഞു
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.