ഭൂമി തട്ടിപ്പ് കേസുമായി ബന്ധപ്പെട്ട് തെലങ്കാനയിലെ രംഗ റെഡ്ഡി ജില്ലാ ഉപഭോക്തൃ കമ്മീഷൻ പ്രശസ്ത നടൻ മഹേഷ് ബാബുവിന് നോട്ടീസ് അയച്ചു. പ്രമുഖ ബ്രാൻഡുകളുടെ പ്രചാരണത്തിലൂടെ ശ്രദ്ധേയനായ മഹേഷ് ബാബു, സായ് സൂര്യ ഡെവലപ്പേഴ്സിന്റെ പരസ്യങ്ങളിൽ പ്രത്യക്ഷപ്പെട്ടതിലൂടെ ഈ സ്ഥാപനത്തിന് വിശ്വാസ്യത നൽകി എന്നാണ് പരാതിക്കാരി ആരോപിക്കുന്നത്.
ഹൈദരാബാദിൽ നിന്നുള്ള ഒരു ഡോക്ടറാണ് സായ് സൂര്യ ഡെവലപ്പേഴ്സിനെതിരെ ഔദ്യോഗികമായി പരാതി നൽകിയിരിക്കുന്നത്. ഈ കേസിൽ മഹേഷ് ബാബുവിനെ മൂന്നാമത്തെ പ്രതിയായും ചേർത്തിട്ടുണ്ട്. കമ്പനി പരസ്യം ചെയ്ത പ്ലോട്ടുകളിൽ നിക്ഷേപിച്ചതിനെ തുടർന്ന് തനിക്ക് 34.8 ലക്ഷം രൂപ നഷ്ടപ്പെട്ടെന്ന് പരാതിക്കാരി ആരോപിക്കുന്നു. മഹേഷ് ബാബുവിന്റെ പരസ്യം താനുൾപ്പെടെയുള്ള നിരവധി പേരുടെ തീരുമാനത്തെ സ്വാധീനിച്ചുവെന്നും ഡോക്ടർ പറയുന്നു.
ഈ വിഷയത്തിൽ മഹേഷ് ബാബു ഇതുവരെ പരസ്യമായി പ്രതികരിച്ചിട്ടില്ല. റിയൽ എസ്റ്റേറ്റ് സ്ഥാപനങ്ങളുമായി ബന്ധപ്പെട്ട് മഹേഷ് ബാബുവിന്റെ പേര് ഉയരുന്നത് ഇത് ആദ്യമായിട്ടല്ല. 2025 ഏപ്രിലിൽ, സായ് സൂര്യ ഡെവലപ്പേഴ്സും സുരാന ഗ്രൂപ്പും ഉൾപ്പെട്ട കള്ളപ്പണം വെളുപ്പിക്കൽ കേസിൽ എൻഫോഴ്സ്മെന്റ് ഡയറക്ടറേറ്റ് അദ്ദേഹത്തെ ചോദ്യം ചെയ്തതായി റിപ്പോർട്ടുകളുണ്ടായിരുന്നു. അന്ന് മഹേഷ് ബാബുവിനെ പ്രതിയായി പരിഗണിച്ചിരുന്നില്ല.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.