വീടിന്റെ ഓട് പൊളിച്ചിറങ്ങി മാതാപിതാക്കള്ക്കൊപ്പം കിടന്നുറങ്ങുകയായിരുന്ന പെണ്കുട്ടിയെ പീഡിപ്പിക്കാന് ശ്രമിച്ചയാള് പിടിയില്. പൊന്നാനി കാട്ടിലവളപ്പില് അക്ബറിനെയാണ് പൊലീസ് അറസ്റ്റ് ചെയതത്. കടലോരത്ത് താമസിക്കുന്ന പ്രായപൂര്ത്തിയാകാത്ത പെണ്കുട്ടിയെയാണ് പീഡിപ്പിക്കാന് ശ്രമിച്ചത്. ശരീരത്ത് തൊട്ടപ്പോള് കുട്ടി ഉണര്ന്ന് ബഹളം വെയ്ക്കുകയായിരുന്നു.
സമാനമായ രീതിയില് ഇതിനുമുമ്പും ഇയാളെ നാട്ടുകാര് പിടികൂടിയിട്ടുണ്ടെന്നാണ് വിവരം. പെണ്കുട്ടി താമസിക്കുന്ന വീടിന്റെ പരിസരത്ത് രാത്രിസമയങ്ങളില് മീന് പിടിക്കാനെന്ന വ്യാജേന പ്രതി എത്തിയിരുന്നത് ശ്രദ്ധയിൽപ്പെട്ടിരുന്നതായി നാട്ടുകാര് പറയുന്നു. സംഭവത്തിനു ശേഷം ഇയാളെ കാണാറില്ലെന്ന് നാട്ടുകാര് പൊലീസിനെ അറിയിച്ചതിനെ തുടര്ന്നാണ് പൊലീസ് കസ്റ്റഡിയിലെടുത്തത്. പൊന്നാനി കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.