ശബരിമല സ്വര്ണക്കൊള്ളക്കേസില് ജാമ്യം തേടി തിരുവിതാംകൂര് ദേവസ്വം ബോര്ഡ് മുന് പ്രസിഡന്റ് എന് വാസു ഹൈക്കോടതിയെ സമീപിക്കും. ഇന്ന് ജാമ്യഹര്ജി സമര്പ്പിക്കുമെന്നാണ് റിപ്പോര്ട്ട്. ഉദ്യോഗസ്ഥര് അയച്ച ഫയല് ദേവസ്വം ബോര്ഡിന്റെ തീരുമാനത്തിന് വിടുക മാത്രമാണ് ചെയ്തതെന്ന് ഹര്ജിയില് ചൂണ്ടിക്കാട്ടുന്നു. അത് സ്വാഭാവിക നടപടി മാത്രമെന്നാണ് വാസുവിന്റെ വാദം. സ്വര്ണ്ണം നല്കാന് താന് ശുപാര്ശ ചെയ്തിട്ടില്ലെന്നും എന് വാസുവിന്റെ ജാമ്യാപേക്ഷയില് പറയുന്നു.
അതിനിടെ എഫ്ഐആര് ആവശ്യപ്പെട്ട് ഇഡി കൊല്ലം വിജിലന്സ് കോടതിയെ ഇന്ന് സമീപിക്കും. അദ്ദേഹത്തിന്റെ റിമാന്ഡ് കാലാവധി ഇന്ന് അവസാനിക്കനിരിക്കെയാണ് നടപടി. റിമാന്ഡ് നീട്ടുന്നതിനായി പ്രതിയെ കൊല്ലം വിജിലന്സ് കോടതിയില് ഹാജരാക്കും. നേരത്തെ ഒരു തവണ റിമാന്ഡ് നീട്ടിയിരുന്നു. കട്ടിളപ്പാളി കേസില് മൂന്നാം പ്രതിയായ വാസു സമര്പ്പിച്ച ജാമ്യാപേക്ഷ കൊല്ലം വിജിലന്സ് കോടതി ഡിസംബര് മൂന്നിന് തള്ളിയിരുന്നു. 2019ല് ദേവസ്വം കമ്മീഷണറായിരുന്ന വാസുവിന്റെ ശിപാര്ശയിലാണ് കട്ടിളപ്പാളിയിലെ സ്വര്ണ്ണം ചെമ്പെന്ന് രേഖപ്പെടുത്തിയതെന്നാണ് എസ്ഐടിയുടെ കണ്ടെത്തല്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.