സ്വാതന്ത്ര്യസമര സേനാനിയും മുതിർന്ന കമ്മ്യൂണിസ്റ്റ് നേതാവുമായിരുന്ന എസ് ശിവശങ്കരപിള്ള (ഇടപ്പള്ളി ശിവൻ) സ്മാരക പുരസ്കാരത്തിന് മുൻ എംപിയും എംഎൽഎയുമായിരുന്ന സിപിഐ നേതാവ് സി എൻ ജയദേവനെ തെരഞ്ഞെടുത്തു. ആറ് പതിറ്റാണ്ട്കാലത്തെ രാഷ്ട്രീയ സാമൂഹികരംഗത്തെ സേവനത്തേയും മികച്ച പാർലമെന്റേറിയൻ എന്ന നിലയിൽ നൽകിയ നിസ്തുല സംഭാവനയേയും മാനിച്ചാണ് സി എൻ ജയദേവനെ തിരഞ്ഞെടുത്തത്. പന്ന്യൻ രവീന്ദ്രൻ, പ്രൊഫ കെ അരവിന്ദാക്ഷൻ, ഡോ. ജോർജ്ജ് കെ ഐസക് എന്നിവരടങ്ങിയ സമിതിയാണ് പുരസ്കാരജേതാവിനെ നിശ്ചയിച്ചത്. 25,000 രൂപയും ഫലകവും പ്രശസ്തിപത്രവും അടങ്ങുന്നതാണ് പുരസ്കാരം.
എസ് ശിവശങ്കരപിള്ളയുടെ 9-ാമത് അനുസ്മരണ ദിനാചരണത്തിന്റെ ഭാഗമായി ഇന്ന് രാവിലെ 10ന് പുല്ലുവഴിയിൽ ചേരുന്ന അനുസ്മരണ സമ്മേളനത്തിൽ മുതിർന്ന സി പി ഐ നേതാവ് പന്ന്യൻ രവീന്ദ്രൻ സി എൻ ജയദേവന് പുരസ്കാരം സമ്മാനിക്കും. സിപിഐ സംസ്ഥാന സെക്രട്ടറിയേറ്റ് അംഗം കെ കെ അഷറഫ്, ജില്ലാ സെക്രട്ടറി എൻ അരുൺ തുടങ്ങിയ നേതാക്കൾ പങ്കെടുക്കും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.