ഫീസ് അടയ്ക്കാത്തതിൻ്റെ പേരിൽ 14 വയസ്സുകാരനായ വിദ്യാർത്ഥിയെ ക്ലാസ് മുറിയിൽ നിലത്തിരുത്തി പരീക്ഷയെഴുതിച്ച സംഭവത്തിൽ അധ്യാപകനും പ്രധാനാധ്യാപികക്കുമെതിരെ പൊലീസ് കേസെടുത്തു. മുംബൈയിലെ ഭീവണ്ടിയിലുള്ള ഒരു ഉറുദു മീഡിയം സ്കൂളിലാണ് സംഭവം. ഒക്ടോബർ 3, 4 തീയതികളിൽ നടന്ന യൂണിറ്റ് ടെസ്റ്റിനിടെയാണ് 10-ാം ക്ലാസ് വിദ്യാർത്ഥിയായ കുട്ടിയെ ഇത്തരത്തിൽ ശിക്ഷിച്ചത്. സംഭവത്തിൽ സൂപ്പർവൈസിംഗ് അധ്യാപകനായ അഹമ്മദുള്ള, ഹെഡ്മിസ്ട്രസ് ഖാൻ അതിഹ എന്നിവരാണ് പ്രതികൾ. കുട്ടിയുടെ ഓട്ടോ ഡ്രൈവറായ പിതാവാണ് പൊലീസിൽ പരാതി നൽകിയത്.
സംഭവം നടന്ന ശേഷം സ്കൂൾ അധികൃതരെ പലതവണ സമീപിച്ചിട്ടും നടപടിയുണ്ടായില്ലെന്ന് പരാതിക്കാരനായ പിതാവ് പറഞ്ഞു. ഒടുവിൽ പൊലീസ് പരാതി നൽകിയ ശേഷമാണ് അധികൃതർ നടപടിക്ക് തയ്യാറായതെന്നും അദ്ദേഹം കൂട്ടിച്ചേർത്തു. സംഭവത്തിൽ ജുവനൈൽ ജസ്റ്റിസ് ആക്ടിലെ 75, 87 വകുപ്പുകൾ പ്രകാരം രണ്ട് അധ്യാപകർക്കെതിരെയും ശാന്തിനഗർ പൊലീസ് കേസ് രജിസ്റ്റർ ചെയ്തു. നിലവിൽ സ്കൂൾ ജീവനക്കാരുടെയും സാക്ഷികളുടെയും മൊഴികൾ പൊലീസ് രേഖപ്പെടുത്തി വരികയാണെന്നും അധികൃതർ അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.