തെരഞ്ഞെടുപ്പ് വാഗ്ദാനങ്ങള്‍ നടപ്പാക്കുന്നതില്‍ രാഷ്ട്രീയപാര്‍ട്ടികള്‍ പരാജയപ്പെട്ടാല്‍ കേസെടുക്കാനാകില്ലെന്ന് അലഹബാദ് ഹൈക്കോടതി. പ്രകടനപത്രികയില്‍ നല്‍കുന്ന വാഗ്ദാനങ്ങള്‍ ഉറപ്പുള്ളവയായി കണക്കാന്‍ കഴിയില്ലെന്നും ഇവ ഏതെങ്കിലും നിയമപ്രകാരം നിര്‍മ്മിച്ചതല്ലെന്നും ജസ്റ്റിസ് ദിനേഷ് പഥക് നിരീക്ഷിച്ചു.
1951ലെ ജനപ്രാതിനിധ്യ നിയമപ്രകാരം രാഷ്ട്രീയ പാർട്ടി രജിസ്റ്റർ ചെയ്യാനുള്ള വ്യവസ്ഥയുണ്ടെങ്കിലും, രജിസ്ട്രേഷൻ റദ്ദാക്കാൻ നിയമം വ്യവസ്ഥ ചെയ്യുന്നില്ല. ബിജെപി ദേശീയ പ്രസിഡന്റ് അമിത് ഷാ തെരഞ്ഞെടുപ്പ് വാഗ്ദാനങ്ങള്‍ പാലിച്ചില്ലെന്ന് കാണിച്ച് ഖുര്‍ഷിദ് റഹ്മാന്‍ എസ് റഹ്മാന്‍ 2020ലാണ് അലിഗഡ് ജില്ലയിലെ വിചാരണ കോടതിയില്‍ ഹര്‍ജി നല്‍കുന്നത്.
2014ലെ ലോകസഭ തെരഞ്ഞെടുപ്പ് വേളയില്‍ അമിത് ഷാ നടത്തിയ പ്രഖ്യാപനങ്ങള്‍ പാലിച്ചില്ലെന്നും പൊതുജനങ്ങളെ വ‌ഞ്ചിച്ചു, വിശ്വാസവഞ്ചന, തട്ടിപ്പ് തുടങ്ങി നിരവധി കുറ്റങ്ങള്‍ ചുമത്തണമെന്നാവശ്യപ്പെട്ടാണ് കോടതിയെ സമീപിച്ചത്. അലിഗഡ് കോടതിയില്‍ ഹര്‍ജി നിരസിച്ചു. ഇതിനെതിരെയാണ് ഇദ്ദേഹം ഹൈക്കോടതിയെ സമീപിച്ചത്.
english summary; A Allahabad court has ruled that a case cannot be registered if election promises are not kept
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.