ലോകത്തിലെ ഏറ്റവും ചെറിയ ബിയർ പുറത്തിറക്കി ഡാനിഷ് ബിയർ കമ്പനിയായ കാൾസ്ബെർഗ് ശ്രദ്ധേയമാകുന്നു. അകത്ത് വെറും ഒരൊറ്റ തുള്ളി മാത്രമുള്ള, അരിമണിയുടെ വലിപ്പമുള്ള ബിയറാണ് കാൾസ്ബെർഗ് പുറത്തിറക്കിയിരിക്കുന്നത്. പെട്ടെന്നൊരു തുള്ളി മദ്യം അകത്താക്കണമെന്ന് വാശി പിടിക്കുന്ന ഒരാൾക്ക് രസകരമായ മറുപടിയുമായാണ് കാൾസ്ബെർഗ് ഈ വേറിട്ട പരീക്ഷണത്തിന് തുടക്കം കുറിച്ചിരിക്കുന്നത്. പുറത്തിറക്കിയ കുഞ്ഞൻ ബിയർ കുപ്പിക്ക് വെറും 12 മില്ലീമീറ്റർ മാത്രമാണ് വലുപ്പം. ഇതിൽ 0.005 മില്ലീലിറ്റർ നോൺ‑ആൽക്കഹോളിക് ബിയർ മാത്രമാണ് ഉണ്ടാകുക. കുഞ്ഞൻ ബിയറിന്റെ ചിത്രങ്ങളും കമ്പനി ഇതിനകം പുറത്തുവിട്ടിട്ടുണ്ട്. ഈ ചിത്രങ്ങൾ എഐ ജനറേറ്റഡ് അല്ലെന്ന അറിയിപ്പും കാൾസ്ബെർഗ് നൽകിയിട്ടുണ്ട്.
കൂടുതൽ ഉത്തരവാദിത്തത്തോടെയും മിതമായും മദ്യപിക്കാൻ ആളുകളെ പ്രചോദിപ്പിക്കുക എന്ന ലക്ഷ്യത്തോടെയാണ് കുഞ്ഞൻ ബിയർ പുറത്തിറക്കിയത് എന്ന് കാൾസ്ബെർഗ് വിശദീകരിച്ചു. പുതിയ കുപ്പി പുറത്തിറക്കുന്നതിനൊപ്പം ഒരു മത്സരത്തിനും കാൾസ്ബെർഗ് തുടക്കമിട്ടിട്ടുണ്ട്. സ്വീഡനിലുടനീളമുള്ള വിദ്യാർത്ഥികളോട് ഇതിലും ചെറിയ ഒരു ബിയർ സൃഷ്ടിക്കാനാണ് കാൾസ്ബെർഗിന്റെ വെല്ലുവിളി. ഇതിലും ചെറിയ കുപ്പി ഉണ്ടാക്കുന്ന വിജയിക്ക് 10,000 സ്വീഡിഷ് ക്രോണറും കോപ്പൻഹേഗനിലെ കാൾസ്ബെർഗ് റിസർച്ച് ലബോറട്ടറിയിൽ ഒരു പ്രത്യേക സന്ദർശനത്തിനുള്ള അവസരവും ലഭിക്കുമെന്നും കമ്പനി അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.