കോട്ടയത്ത് കടയിലേക്ക് നിയന്ത്രണം വിട്ട് കാർ ഇടിച്ചു കയറി

നഗരമധ്യത്തിൽ കെഎസ്ആർടിസി ബസ് സ്റ്റാൻഡിന് സമീപം ഡി ഫ്രൂട്സ് എന്ന കടയിലേക്ക് നിയന്ത്രണം വിട്ട കാർ ഇടിച്ചു കയറി. അപകടം ഒഴിവായത് തലനാരിഴയ്ക്ക്. യാത്രക്കാർക്കും കടയിലുണ്ടായിരുന്ന ആളുകൾക്കും പരിക്കേറ്റില്ല. ഭാഗ്യം കൊണ്ട് മാത്രമാണ് വൻദുരന്തം ഒഴിവായത്. രാവിലെ 11.30 ഓടെ കോട്ടയം കെഎസ്ആർടിസി സ്റ്റാൻഡിന് സമീപമായിരുന്നു അപകടം. 

കെഎസ്ആർടിസി സ്റ്റാൻഡ് ഭാഗത്ത് നിന്നും ടിബി റോഡ് ഭാഗത്തേക്ക് എത്തിയ കാർ നിയന്ത്രണം വിട്ട് അതിവേഗത്തിൽ കടയ്ക്കുള്ളിലേക്ക് പാഞ്ഞടുക്കുകയായിരുന്നു. കാറിന്റെ ബ്രേക്ക് നഷ്ടമായതോടെയാണ് പൊതുമരാമത്ത് ഗസ്റ്റ് ഹൗസിന് സമീപത്തെ ഡി ഫ്രൂട്സ് എന്ന കടയിലേക്ക് ഇടിച്ച് കയറിയത്. വാഹനം പാഞ്ഞ് വരുന്നത് കണ്ട് വഴിയാത്രക്കാരും കടയിലുണ്ടായിരുന്ന ആളുകളും ഒടിമാറി. ഇതോടെ വൻദുരന്തം ഒഴിവായി. ഇവിടെ വൺവേ ആയതിനാൽ എതിർവശത്ത് നിന്ന് മറ്റ് വാഹനങ്ങൾ വരാതിരുന്നത് അപകടത്തിന്റെ തീവ്രത കുറച്ചു. കടയ്ക്ക് സാരമായ കേടുപാടുകളുണ്ടായി. സംഭവത്തെ തുടർന്ന് പത്ത് മിനിറ്റോളം ഈ റോഡിൽ ഗതാഗതം നിലച്ചു.
eng­lish summary;A car rammed into a shop in Kottayam
you may also like this video;