മൂടാടി ഗ്രാമ പഞ്ചായത്ത് ജനകീയാസൂത്രണ പദ്ധതി 2024–25ൽ ഉൾപ്പെടുത്തി ചെയ്യുന്ന ‘തരിശ് രഹിത ചാക്കര പാടശേഖരം’ പദ്ധതിയുടെ ഭാഗമായി 30 ഏക്കർ വരുന്ന തരിശ് ഭൂമിയിൽ കൃഷിയിറക്കി വിജയം കൊയ്ത്തിരിക്കുകയാണ് ചാക്കര പാടശേഖര സമിതിയിലെ കർഷകർ. വർഷങ്ങളായി തരിശായി കിടന്നിരുന്ന പാടശേഖരത്തിൽ മൂടാടി ഗ്രാമ പഞ്ചായത്ത്, കൂത്താളിയിലെ കാർഷിക യന്ത്രവത്ക്കരണ മിഷന്റെ സഹായത്തോടെ തോട് നിർമ്മിക്കുകയും നിലമൊരുക്കുകയും ചെയ്തത് കൊണ്ട് പാടശേഖരത്തിന്റെ വെള്ളക്കെട്ട് ഇല്ലാതാവുകയും തരിശ് ഭൂമി കൃഷിയോഗ്യമാവുകയും ചെയ്തു. നിലവിൽ പാടശേഖര സമിതിയിലെ കർഷകരെ കൂടാതെ വിവിധ വാർഡുകളിൽ നിന്നുള്ള കൃഷിക്കൂട്ടങ്ങളായ, പ്യുവർ ഹാർവെസ്റ്റ്, കർഷക സംഘം, മുന്നേറ്റം, കതിർ, കാർഷിക കർമ്മസേന തുടങ്ങിയവരും ഈ ഉദ്യമത്തിൽ പങ്കാളികളായി.
ജ്യോതി, മട്ട ത്രിവേണി, രക്ത ശാലി, അറുപതാം കുറുവ എന്നീ അത്യുല്പാദന ശേഷിയുള്ള ഇനങ്ങളാണ് കൃഷി ചെയ്തത്. വർഷങ്ങളായുള്ള സ്വപ്ന സാക്ഷാത്കാരത്തിന്റെ ആഹ്ലാദത്തിലാണ് കർഷകർ. ഈ ഉദ്യമത്തിന് മുന്നിട്ടിറങ്ങിയ കർഷക ഗ്രുപ്പുകളും പാടശേഖര സമിതി ഭാരവാഹികളായ നാരായണൻ നായർ, മേൽനോട്ട സമിതി അംഗങ്ങളായിട്ടുള്ള, വാർഡ് മെമ്പർമാരായ രവീന്ദ്രൻ, ടി കെ ഭാസ്കരൻ, രജുല, ശ്രീധരൻ, പാടശേഖര സമിതിയുമായി സഹകരിച്ച എല്ലാവരെയും, എല്ലാവിധ സഹായങ്ങളുമായി ഒപ്പം നിന്ന കൃഷി ഓഫിസർ ഫൗസിയ, പഞ്ചായത്ത് ഭരണസമിതി, തൊഴിലുറപ്പ് തൊഴിലാളികൾ എന്നിവരെ ഗ്രാമപഞ്ചായത്ത് പ്രസിഡന്റ് സി കെ ശ്രീകുമാർ അനുമോദിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.