പുസ്തകങ്ങളുടെയും പുസ്തക കവറുകളുടെയും പ്രകാശനം ഇക്കാലത്ത് പതിവു വാർത്തയാണ്. അതുകൊണ്ടാണ് പതിവിൽ നിന്ന് വേറിട്ട് പുതുമയുള്ള രീതിയിൽ ഒരു പുസ്തക കവർ പ്രകാശനം നടത്താൻ മനോരമ ബുക്സ് തീരുമാനിച്ചത്. നോവലിസ്റ്റും പത്രപ്രവർത്തകനുമായ രവിവർമ തമ്പുരാൻ്റെ ഏറ്റവും പുതിയ നോവലിൻ്റെ കവറിലാണ് മനോരമ ബുക്സ് ഈ പുതുമ പരീക്ഷിച്ചത്.
ആൻമരിയ പ്രണയത്തിൻ്റെ മേൽവിലാസം എന്നാണ് നോവലിൻ്റെ പേര്. നോവലിലെ നായികാ കഥാപാത്രമാണ് ആൻമരിയ. ആരുടെയും മനസ്സിനെ ആർദ്രമാക്കുന്നയാളാണ് നോവലിലെ ആൻമരിയ.
അങ്ങനൊരാൾക്ക് പ്രാധാന്യം ഉള്ള നോവലിൻ്റെ കവർ പ്രകാശനം ആൻമരിയ എന്നു പേരുള്ള കുറച്ചാളുകൾ ചേർന്നായാൽ നല്ലതല്ലേ എന്ന എഴുത്തുകാരൻ്റെ തോന്നൽ മനോരമ ബുക്സ് ഏറ്റെടുക്കുകയായിരുന്നു. ഇൻസ്റ്റഗ്രാമിലൂടെ മനോരമ ബുക്സ് തന്നെയാണ് ആൻമരിയ എന്നു പേരുള്ള 14 പേരെ കണ്ടെത്തിയത്. ഈ 14 പേരും അവരുടെ ഇൻസ്റ്റഗ്രാം പേജിലൂടെ കഴിഞ്ഞ ദിവസം പുസ്തകത്തിൻ്റെ കവർ പ്രകാശിപ്പിച്ചതോടെ സോഷ്യൽ മീഡിയയിൽ ഒട്ടേറെപ്പേർ പുതിയ പ്രകാശന രീതിക്കും പുസ്തക കവറിനും പിന്തുണയുമായെത്തി. 240 രൂപ മുഖവിലയുള്ള പുസ്തകം ഏതാനും ദിവസങ്ങൾക്കുള്ളിൽ അച്ചടി പൂർത്തിയാക്കി വിൽപനയ്ക്കെത്തും. ബിനീഷ് പുരയ്ക്കൽ ആണ് കവർ തയാറാക്കിയത്.
English Summary:A new release for the book cover
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.