ഓടിക്കൊണ്ടിരുന്ന കാറില് മരക്കൊമ്പ് തുളച്ചു കയറി പരിക്കേറ്റ യുവതി മരിച്ചു. എടപ്പാള് പൊല്പ്പാക്കര മാണിക്യപ്പാലം ചെട്ടിക്കുന്നത്ത് ആതിരയാണു (27) മരിച്ചത്. കാര് ഡ്രൈവര് തവനൂര് തൃപ്പാളൂര് കാളമ്പ്ര വീട്ടില് സെയ്ഫിനു പരിക്കേറ്റു. ഇന്നലെ വൈകിട്ടു 6.45ന് സംസ്ഥാനപാതയില് കടവല്ലൂര് അമ്പലം സ്റ്റോപ്പിനു സമീപമാണ് അപകടമുണ്ടായത്.കണ്ടെയ്നര് ലോറി തട്ടി പൊട്ടിവീണ മരക്കൊമ്പ് ഓടിക്കൊണ്ടിരുന്ന കാറിന്റെ ചില്ലു തുളച്ച് അകത്ത് കയറുകയായിരുന്നു.
ലോറി മരത്തില് ഇടിച്ചതോടെ ഒടിഞ്ഞ വലിയ കൊമ്പ് എതിര്ദിശയില് വന്നിരുന്ന കാറില് പതിക്കുകയായിരുന്നു. കോഴിക്കോടു ഭാഗത്തു നിന്ന് വന്ന ലോറിയാണ്. കുന്നംകുളം ഭാഗത്തു നിന്ന് എടപ്പാളിലേക്കു പോകുകയായിരുന്ന കാറിന്റെ മുന്സീറ്റിലായിരുന്നു ആതിര. കാറിന്റെ മുന്വശത്തെ ചില്ലു തുളച്ച് അകത്തു കയറിയ കൊമ്പ് ആതിരയുടെ തലയില് ഇടിച്ച ശേഷം പിന്വശത്തെ ചില്ലു കൂടി തകര്ക്കുകയായിരുന്നു.
അപകടത്തിന് പിന്നാലെ നാട്ടുകാരും യാത്രക്കാരും ചേര്ന്ന് യുവതിയെയും ഡ്രൈവറെയും പെരുമ്പിലാവ് അന്സാര് ആശുപത്രിയില് എത്തിച്ചെങ്കിലും ആതിരയുടെ ജീവന് രക്ഷിക്കാനായില്ല. അതേസമയം അപകടം വരുത്തിയ ലോറി നിര്ത്താതെ പോയി. എടപ്പാള് കെവിആര് ഓട്ടോമോബൈല്സിലെ ജീവനക്കാരിയാണ്. ഭര്ത്താവ്: വിഷ്ണു. സഹോദരങ്ങള്: അഭിലാഷ്, അനു
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.