വെള്ളമെന്നു കരുതിഫോര്മാലിന് മദ്യത്തില് ചേര്ത്ത് കുടിച്ച യുവാവ് മരിച്ചു. തലയോലപ്പറമ്പ് കൈപ്പെട്ടയില് ജോസുകുട്ടി ആണ് മരിച്ചത്. കൂടെയുണ്ടായിരുന്ന കാഞ്ഞിരമല വെണ്കുളം കുഞ്ഞ് കോട്ടയം മെഡിക്കല് കോളേജില് ചികിത്സയിലാണ്.
കൂത്താട്ടുകുളം ഇലഞ്ഞി ആലപുരത്ത് റബ്ബര് മരത്തിന് ഷെയ്ഡ് ഇടുന്ന ജോലിക്ക് എത്തിയതായിരുന്നു ഇവര്. റബ്ബര്തോട്ടത്തിനു സമീപമുള്ള കോഴിഫാമിനോട് ചേര്ന്ന കെട്ടിടത്തില് കുപ്പിയില് ഫോര്മാലിന് ഉണ്ടായിരുന്നു. കുപ്പിയിലെ ദ്രാവകം വെള്ളമാണെന്ന് തെറ്റിദ്ധരിച്ച് ഇവര് മദ്യത്തില് ചേര്ത്ത് കഴിക്കുകയായിരുന്നുവെന്ന് പൊലീസ് പറയുന്നു.
കോഴിഫാം വൃത്തിയാക്കാന് സൂക്ഷിച്ചിരുന്ന ഫോര്മാലിന് ആയിരുന്നു കുപ്പിയില് ഉണ്ടായിരുന്നത്. ഛര്ദിയുള്പ്പെടെയുള്ള ശാരീരിക അസ്വസ്ഥതകള് ഉണ്ടായതിനെ തുടര്ന്ന് മോനിപ്പള്ളിയിലെ സ്വകാര്യ ആശുപത്രിയില് ചികിത്സ തേടി. നില ഗുരുതരമായതിനെ തുടര്ന്ന് കോട്ടയം മെഡിക്കല് കോളജിലേക്ക് മാറ്റിയെങ്കിലും മരണം സംഭവിക്കുകയായിരുന്നു.
English Summary:
A young man died after mixing formalin with alcohol, thinking it was water
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.