പൊന്‍സി തട്ടിപ്പുകേസില്‍ നടൻ പ്രകാശ് രാജിന് എൻഫോഴ്‌സ്‌മെന്റ് ഡയറക്ടറേറ്റ് (ഇഡി) നോട്ടീസ്. തമിഴ്നാട് ട്രിച്ചിയിലെ പ്രണവ് ജ്വല്ലറിയുമായി ബന്ധപ്പെട്ട തട്ടിപ്പുകേസിലാണ് പ്രകാശ് രാജിന് ഇഡി നോട്ടീസ് നല്‍കിയിരിക്കുന്നത്. അഴിമതി നടത്തിയെന്ന് ആരോപിക്കപ്പെടുന്ന പ്രണവ് ജ്വല്ലേഴ്സിന്റെ ബ്രാൻഡ് അംബാസഡറായിരുന്നു രാജ്.
പ്രണവ് ജ്വല്ലേഴ്സിന്റെ സ്ഥാപനങ്ങളിൽ കഴിഞ്ഞ ദിവസം ഇഡി റെയ്ഡ് നടത്തിയിരുന്നു. വിഷയത്തിൽ പ്രകാശ് രാജ് ഇതുവരെ പ്രതികരിച്ചിട്ടില്ല.
പോൺസി പദ്ധതി നടത്തി 100 കോടി രൂപയുടെ നിക്ഷേപകരെ കബളിപ്പിച്ചെന്നാരോപിച്ച് ചെന്നൈ ഉൾപ്പെടെ തമിഴ്‌നാട്ടിലും പുതുച്ചേരിയിലും ശാഖകളുള്ള ട്രിച്ചി ആസ്ഥാനമായുള്ള ജ്വല്ലറി ശൃംഖലയുടെ ശാഖകളിൽ ഇഡി റെയ്ഡ് നടത്തിയിരുന്നു.
പ്രണവ് ജ്വല്ലേഴ്‌സ് നടത്തുന്ന സ്ഥാപനങ്ങള്‍ ഒക്ടോബറിൽ അടച്ചുപൂട്ടിയിരുന്നു. പരാതിയുടെ അടിസ്ഥാനത്തിൽ ട്രിച്ചിയിലെ സാമ്പത്തിക കുറ്റകൃത്യ വിഭാഗം പ്രണവ് ജ്വല്ലേഴ്‌സ് ഉടമ മദനെതിരെ കേസെടുത്തു. തുടര്‍ന്ന് ഉടമയ്ക്കും ഭാര്യയ്ക്കുമെതിരെ ഈ മാസം ആദ്യം ലുക്ക്ഔട്ട് നോട്ടീസ് പുറപ്പെടുവിച്ചിരുന്നു.
നിക്ഷേപ പദ്ധതിയുടെ മറവിൽ പ്രണവ് ജ്വല്ലേഴ്‌സ് 100 കോടി രൂപ സമാഹരിച്ചതായി ഇഡി പ്രസ്താവനയിൽ പറഞ്ഞു. റിട്ടേണുകൾ യാഥാർത്ഥ്യമായില്ലെന്ന് മാത്രമല്ല, നിക്ഷേപിച്ച തുകയും നിക്ഷേപകർക്ക് തിരികെ നൽകിയിട്ടില്ലെന്നും ഇഡി പ്രസ്താവനയില്‍ അറിയിച്ചു.
English Summary: Actor Prakash Raj summoned in Ponzi scam case
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.