നടി ആക്രമണ കേസ്: തുടരന്വേഷണം തടയണമെന്ന് ദിലീപ്: കേസില്‍ കക്ഷി ചേരാന്‍ അനുവദിക്കണമെന്ന് നടി

കൊച്ചിയില്‍ ന​ടി ആ​ക്ര​മിക്കപ്പെട്ട കേ​സി​ല്‍ തു​ട​ര​ന്വേ​ഷ​ണം ത​ട​യ​ണ​മെ​ന്ന് ആ​വ​ശ്യ​പ്പെ​ട്ട് നടന്‍ ദി​ലീ​പ് ഹൈക്കോടതിയില്‍ സമര്‍പ്പിച്ച ഹ​ര്‍​ജി ഇന്ന് പരിഗണിക്കും. കേ​സി​ന്‍റെ വി​ചാ​ര​ണ നീ​ട്ടി​ക്കൊ​ണ്ടു പോ​കാ​നാ​ണ് തു​ട​ര​ന്വേ​ഷ​ണം എ​ന്നാ​ണ് ദി​ലീ​പി​ന്‍റെ വാ​ദം. അതിനിടെ എ​തി​ര്‍​ത്ത് ആ​ക്ര​മ​ണ​ത്തി​ന് ഇ​ര​യാ​യ ന​ടി. കേ​സി​ല്‍ ക​ക്ഷി ചേ​രാ​ന്‍ അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ന​ടി കോ​ട​തി​യി​ല്‍ അ​പേ​ക്ഷ ന​ല്‍​കി. കേ​സി​ല്‍ തു​ട​ര​ന്വേ​ഷ​ണം ആ​വ​ശ്യ​മു​ണ്ടെ​ന്നും ദി​ലീ​പി​ന്‍റെ ഹ​ര്‍​ജി​യി​ല്‍ തീ​രു​മാ​ന​മെ​ടു​ക്കു​ന്ന​തി​ന് മു​ന്‍​പ് ത​ന്‍റെ ഭാ​ഗം കേ​ള്‍​ക്ക​ണ​മെ​ന്നും ന​ടി കോ​ട​തി​യെ അ​റി​യി​ച്ചു. കേ​സി​ല്‍ ക​ക്ഷി ചേ​രാ​ന്‍ സ​മ​യം അ​നു​വ​ദി​ക്ക​ണ​മെ​ന്നും ആ​ക്ര​മി​ക്ക​പ്പെ​ട്ട ന​ടി​യു​ടെ അ​ഭി​ഭാ​ഷ​ക​ന്‍ കോ​ട​തി​യി​ല്‍ ആ​വ​ശ്യ​പ്പെ​ട്ടു. ഇ​ത് അം​ഗീ​ക​രി​ച്ച ഹൈ​ക്കോ​ട​തി, കേ​സ് പ​രി​ഗ​ണി​ക്കു​ന്ന​ത് തി​ങ്ക​ളാ​ഴ്ച​ത്തേ​ക്ക് മാറ്റി.

ദിലീപിന്റെ ഹ​ര്‍​ജി​യി​ല്‍ സം​സ്ഥാ​ന സ​ര്‍​ക്കാ​ര്‍ ഇ​ന്നു നി​ല​പാ​ട് വ്യ​ക്ത​മാ​ക്കും. ന​ടി​യെ ആ​ക്ര​മി​ച്ച കേ​സ് അ​ന്വേ​ഷ​ണ​ത്തി​നു മു​തി​ര്‍​ന്ന ഉ​ദ്യോ​ഗ​സ്ഥ​രു​ടെ അ​നു​മ​തി ഉ​ണ്ടാ​യി​രു​ന്നി​ല്ലെ​ന്നും വ​ധ​ഗൂ​ഢാ​ലോ​ച​ന​ക്കേ​സി​ലെ ഇ​ര​ക​ളാ​ണ് തു​ട​ര​ന്വേ​ഷ​ണം ന​ട​ത്തു​ന്ന​തെ​ന്നും ദി​ലീ​പ് കോ​ട​തി​യെ അ​റി​യി​ച്ചി​ട്ടു​ണ്ട്. തു​ട​ര​ന്വേ​ഷ​ണം ആ​വ​ശ്യ​പ്പെ​ട്ട് അ​ന്വേ​ഷ​ണ ഉ​ദ്യോ​സ്ഥ​ര്‍ വി​ചാ​ര​ണ​ക്കോ​ട​തി​യി​ല്‍ ന​ല്‍​കി​യ റി​പ്പോ​ര്‍​ട്ട് റ​ദ്ദാ​ക്ക​ണ​മെ​ന്നും ന​ടി​യെ ആ​ക്ര​മി​ച്ച കേ​സി​ന്‍റെ വി​ചാ​ര​ണ വേ​ഗ​ത്തി​ല്‍ പൂ​ര്‍​ത്തി​യാ​ക്കാ​ന്‍ വി​ചാ​ര​ണ കോ​ട​തി​ക്കു നി​ര്‍​ദേ​ശം ന​ല്‍​ക​ണ​മെ​ന്നു​മാ​ണ് ദി​ലീ​പി​ന്‍റെ ഹ​ര്‍​ജി​യി​ലെ ആവശ്യം.
അതേസമയം ന​ടി​യെ ആ​ക്ര​മി​ച്ച കേ​സി​ലെ അ​ന്വേ​ഷ​ണ ഉ​ദ്യോ​ഗ​സ്ഥ​രെ വ​ധി​ക്കാ​ന്‍ ഗൂ​ഢാ​ലോ​ച​ന ന​ട​ത്തി​യെ​ന്നാ​രോ​പി​ച്ച് ര​ജി​സ്റ്റ​ര്‍ ചെ​യ്ത കേ​സ് റ​ദ്ദാ​ക്ക​ണ​മെ​ന്നാ​വ​ശ്യ​പ്പെ​ട്ട് ഒ​ന്നാം പ്ര​തി​യാ​യ ന​ട​ന്‍ ദി​ലീ​പ് ഹൈ​ക്കോ​ട​തി​യെ സ​മീ​പി​ച്ചു. കേ​സ് റ​ദ്ദാ​ക്കാ​ന്‍ ക​ഴി​യി​ല്ലെ​ങ്കി​ല്‍ അ​ന്വേ​ഷ​ണം സി​ബി​ഐ​ക്കു കൈ​മാ​റ​ണ​മെ​ന്നും ഹ​ര്‍​ജി​യി​ല്‍ ആ​വ​ശ്യ​പ്പെ​ട്ടി​ട്ടു​ണ്ട്. ദി​ലീ​പി​നു പു​റ​മേ സ​ഹോ​ദ​ര​ന്‍ അ​നൂ​പ്, സ​ഹോ​ദ​രി​യു​ടെ ഭ​ര്‍​ത്താ​വ് ടി.​എ​ന്‍. സു​രാ​ജ്, ബ​ന്ധു​വാ​യ കൃ​ഷ്ണ​പ്ര​സാ​ദ്, സു​ഹൃ​ത്താ​യ ബൈ​ജു ചെ​ങ്ങ​മ​നാ​ട് എ​ന്നി​വ​രും കേ​സി​ല്‍ പ്ര​തി​ക​ളാ​ണ്. ഫെ​ബ്രു​വ​രി ഏ​ഴി​ന് പ്ര​തി​ക​ള്‍​ക്ക് ഹൈ​ക്കോ​ട​തി മു​ന്‍​കൂ​ര്‍ ജാ​മ്യം അ​നു​വ​ദി​ച്ചി​രു​ന്നു. ഇ​തി​നു പി​ന്നാ​ലെ​യാ​ണ് കേ​സ് റ​ദ്ദാ​ക്കാ​ന്‍ ദി​ലീ​പ് ഹ​ര്‍​ജി ന​ല്‍​കി​യ​ത്.

അ​തേ​സ​മ​യം, ന​ടി​യെ ആ​ക്ര​മി​ച്ച കേ​സി​ലെ നി​ര്‍​ണാ​യ​ക തെ​ളി​വാ​യ ആ​ക്ര​മ​ണ ദൃ​ശ്യ​ങ്ങ​ള്‍ കോ​ട​തി​യി​ല്‍ നി​ന്നു ചോ​ര്‍​ന്നെ​ന്ന ആ​രോ​പ​ണ​ത്തെ​ക്കു​റി​ച്ച് ഹൈ​ക്കോ​ട​തി വി​ജി​ല​ന്‍​സ് വി​ഭാ​ഗം അ​ന്വേ​ഷ​ണം ആ​രം​ഭി​ച്ചു. ഹൈ​ക്കോ​ട​തി​യി​ലെ വി​ജി​ല​ന്‍​സ് ര​ജി​സ്ട്രാ​റു​ടെ നി​ര്‍ദേ​ശ പ്ര​കാ​രം ഡി​വൈ​എ​സ്പി ജോ​സ​ഫ് സാ​ജു​വി​നാ​ണ് അന്വേഷണച്ചുമതല.

Eng­lish Sum­ma­ry: Actress assault case: Dileep wants fur­ther inves­ti­ga­tion to be stopped: Actress wants to be allowed to join the party

You may like this video also