നടി ശ്വേതാ മേനോനെ അപകീര്ത്തിപ്പെടുത്തിയെന്ന കേസില് ക്രൈം നന്ദകുമാറിനെ പൊലീസ് കസ്റ്റഡിയിലെടുത്തു. ശ്വേതാ മേനോന്റെ പരാതിയിലാണ് എറണാകുളം നോര്ത്ത് പൊലീസ് നടപടിയെടുത്തത്. സ്വന്തം യൂട്യൂബ് ചാനലിലൂടെ അപകീര്ത്തിപ്പെടുത്തുകയും സ്ത്രീത്വത്തെ അപമാനിക്കും വിധം സംസാരിക്കുകയും ചെയ്തു എന്നാണ് കേസ്. ഐടി നിയമം പ്രകാരമാണ് പൊലീസ് കേസ് രജിസ്റ്റര് ചെയ്തത്.
പരാതിക്കു ലഭിച്ചതിനു പിന്നാലെ യൂട്യൂബ് ചാനലിലെ വിഡിയോ ഡിലീറ്റ് ചെയ്യാന് നന്ദകുമാറിനോട് പൊലീസ് ആവശ്യപ്പെട്ടിരുന്നു. എന്നാല് ഇതിന് തയാറാകാതിരുന്നതോടെയാണ് കസ്റ്റഡിയിലെടുത്തത്. ശ്വേത മേനോന് അഭിനയിച്ച പരസ്യചിത്രത്തിലെ രംഗങ്ങള് ഉള്പ്പെടെ ഉപയോഗിച്ചാണ് യൂട്യൂബ് വീഡിയോ നിര്മിച്ചത്. പൊലീസ് ചോദ്യം ചെയ്യലിനു ശേഷം തുടര്നടപടികള് സ്വീകരിക്കും. അതേസമയം വീഡിയോയിലുള്ള അപകീര്ത്തികരമായ ഭാഗം മാത്രം നീക്കം ചെയ്യാമെന്നാണ് നന്ദകുമാര് പൊലീസിനെ അറിയിച്ചത്. എന്നാല് വിഡിയോ മുഴുവന് സ്ത്രീവിരുദ്ധമാണെന്ന് പൊലീസ് പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.