കരിപ്പൂരിൽ നിന്ന് ബംഗളൂരുവിലേക്ക് പോകേണ്ട എയർ ഇന്ത്യ എക്സ്പ്രസ് വിമാനം പുറപ്പെടേണ്ട സമയത്തിനും നാലര മണിക്കൂർ മുൻപ് പറന്നുയർന്നതിനാൽ നിരവധി യാത്രക്കാരുടെ യാത്ര മുടങ്ങി. രാത്രി 8.30ന് പുറപ്പെടേണ്ട എയർ ഇന്ത്യ എക്സ്പ്രസ് 9935 വിമാനമാണ് ചൊവ്വാഴ്ച വൈകീട്ട് നാലുമണിക്ക് പുറപ്പെട്ടത്. വിമാനം നേരത്തെ പുറപ്പെട്ടത് അറിയാതെ വിമാനത്താവളത്തിലെത്തിയ യാത്രക്കാർ വിമാനക്കമ്പനിയുടെ കൗണ്ടറിനു മുന്നിൽ പ്രതിഷേധിച്ചു.
വിമാനത്തിന്റെ സമയം മാറ്റിയ വിവരം ഇ‑മെയിൽ വഴി യാത്രക്കാരെ അറിയിച്ചിരുന്നുവെന്ന് എയർ ഇന്ത്യ എക്സ്പ്രസ് അധികൃതർ വ്യക്തമാക്കി. എന്നാൽ, വിമാനക്കമ്പനിയുടെ വെബ്സൈറ്റ് വഴി നേരിട്ട് ടിക്കറ്റ് ബുക്ക് ചെയ്തവർക്ക് മാത്രമാണ് അറിയിപ്പ് ലഭിച്ചത്. മറ്റ് ആപ്പുകൾ വഴി ടിക്കറ്റ് ബുക്ക് ചെയ്തവർക്ക് ഈ വിവരം ലഭിക്കാതെ പോയതാണ് ആശയക്കുഴപ്പത്തിന് കാരണമായത്. യാത്ര മുടങ്ങിയവർക്ക് ടിക്കറ്റ് തുക തിരികെ നൽകുമെന്ന് വിമാനക്കമ്പനി അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.