ദീപാവലി ആഘോഷങ്ങൾക്ക് പിന്നാലെ വായുഗുണനിലവാരം മോശമായതോടെ ഡല്ഹിയില് നിയന്ത്രണങ്ങള് കടുപ്പിച്ചു. വായുമലിനീകരണം അതീവ ഗുരുതരമായതോടെ ഗ്രേഡഡ് റെസ്പോണ്സ് ആക്ഷന് പ്ലാന് 2 (ഗ്രാപ്പ് 2) നടപ്പാക്കി. കേന്ദ്ര മലിനീകരണ നിയന്ത്രണ ബോർഡിന്റെ (സിപിസിബി) കണക്കനുസരിച്ച് ഡൽഹിയില് ശരാശരി വായു ഗുണനിലവാര സൂചിക (എക്യുഐ) ഇപ്പോള് 302 ആണ്. ദീപാവലി ആഘോഷങ്ങള് തുടരുന്നതിനാല് മലിനീകരണം രൂക്ഷമാകുമെന്ന് വിദഗ്ധര് മുന്നറിയിപ്പ് നല്കിയിരുന്നു. ജിആര്എപി 1 നിയന്ത്രണങ്ങള് കഴിഞ്ഞയാഴ്ച നടപ്പാക്കിയിരുന്നു. ഹരിത പടക്കങ്ങള് ഉപയോഗിക്കാമെന്ന് നിര്ദേശിച്ച് സുപ്രീം കോടതി ആഘോഷങ്ങള്ക്ക് അനുമതി നല്കിയതിന് പിന്നാലെയാണ് ആശങ്കപ്പെടുത്തുന്ന രീതിയിലേക്ക് മലിനീകരണം വര്ധിച്ചത്. മലിനീകരണം രൂക്ഷമായാല് ക്ലൗഡ് സീഡിങ്ങിലൂടെ കൃത്രിമ മഴ പെയ്യിക്കുന്നതടക്കമുള്ള നിര്ദേശങ്ങള് ഡല്ഹി സർക്കാര് പരിഗണിക്കുന്നുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.