എഐവൈഎഫ് 17-ാം ദേശീയ പ്രതിനിധി സമ്മേളനത്തിന് തിരുപ്പതിയില് തുടക്കമായി. കാനം രാജേന്ദ്രൻ നഗറിൽ നടക്കുന്ന സമ്മേളനം സുപ്രീം കോടതി മുൻ ജസ്റ്റിസ് ജെ ചെലമേശ്വർ ഉദ്ഘാടനം ചെയ്തു. എഐവൈഎഫ് പ്രസിഡന്റ് സുഖ്ജിന്ദർ മഹേശരി പതാക ഉയർത്തി. സിപിഐ ദേശീയ സെക്രട്ടി ഡോ. കെ നാരായണ സ്വാഗതം പറഞ്ഞു. കിസാൻ സഭ ജനറൽ സെക്രട്ടറി ആർ വെങ്കയ്യ, എന്എഫ്ഐഡബ്ല്യു ജനറൽ സെക്രട്ടറി നിഷ സിദ്ധു, ബികെഎംയു ജനറൽ സെക്രട്ടറി എൻ പെരിയ സ്വാമി, എഐടിയുസി ദേശീയ എക്സിക്യൂട്ടീവ് അംഗം ബി വി കൊണ്ടല റാവു, ഡിവൈഎഫ് ഐ പ്രസിഡന്റ് എ എ റഹീം എംപി, ആർവൈഎഫ് നേതാവ് സുന്ദര രാജൻ, എഐവൈഎൽ നേതാവ് ജഗദീഷ് എന്നിവർ സമ്മേളനത്തെ അഭിവാദ്യം ചെയ്ത് സംസാരിച്ചു. അനുശോചന പ്രമേയം ടി ടി ജിസ്മോന് അവതരിപ്പിച്ചു. എൻ അരുൺ, സുഖ്ജിന്ദർ മഹേശരി, ഡോ. സയ്യിദ് വലിയുള്ള ഖാദിരി, റോഷൻകുമാർ സിൻഹ, ആർ ടി റഡേക്കർ എന്നിവരടങ്ങിയ പ്രസീഡിയം സമ്മേളനം നിയന്ത്രിക്കുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.