രാജ്യദ്രോഹ പ്രവർത്തനങ്ങളിൽ ഏർപ്പെട്ടെന്ന് ആരോപിച്ച് ജയിലിലടച്ച മുൻ പ്രധാനമന്ത്രി ഇമ്രാൻ ഖാന്റെ പാർട്ടിയെ നിരോധിക്കുമെന്ന് പാകിസ്ഥാൻ സർക്കാർ.
“വിദേശ ഫണ്ടിംഗ് കേസ്, മെയ് 9 ലെ കലാപം, സൈഫർ എപ്പിസോഡ്, യുഎസിൽ പാസാക്കിയ പ്രമേയം എന്നിവയില് ഇമ്രാൻ ഖാൻ്റെ പാർട്ടിയായ പാകിസ്ഥാൻ തെഹ്രീകെ ഇൻസാഫ് (പിടിഐ) പങ്കുണ്ടെന്നതിന് തെളിവുകൾ ഉണ്ടെന്ന് വാർത്താ സമ്മേളനത്തിൽ വാർത്താ വിതരണ മന്ത്രി അത്താഉല്ല തരാർ പറഞ്ഞു.
2022 ഏപ്രിലിൽ പ്രധാനമന്ത്രി സ്ഥാനത്ത് നിന്ന് പുറത്താക്കപ്പെട്ടതിന് ശേഷം 71 കാരനായ ഖാൻ റാവൽപിണ്ടിയിലെ അഡിയാല ജയിലിലാണ്. പിടിഐയെ നിരോധിക്കാനും പാര്ട്ടി സ്ഥാപകൻ ഖാനും മുൻ പാകിസ്ഥാൻ പ്രസിഡന്റ് ആരിഫ് അൽവിക്കുമെതിരെ രാജ്യദ്രോഹത്തിന് ആർട്ടിക്കിൾ 6 പ്രകാരം കേസെടുക്കാനും ഫെഡറൽ സർക്കാർ തീരുമാനിച്ചതായി റിപ്പോര്ട്ടുകള് വ്യക്തമാക്കുന്നു.
രാജ്യം മുന്നോട്ട് പോകണമെങ്കിൽ പിടിഐയുടെ അസ്തിത്വം കൊണ്ട് അതിന് കഴിയില്ലെന്ന് തരാർ പറഞ്ഞു. ദേശീയ അസംബ്ലിയിൽ പിടിഐക്ക് സംവരണ സീറ്റുകൾ അനുവദിച്ച സുപ്രീം കോടതിയുടെ തീരുമാനത്തിനെതിരെ പുനഃപരിശോധനാ അപ്പീൽ നൽകാൻ പാകിസ്ഥാൻ മുസ്ലീം ലീഗ്-നവാസ് (പിഎംഎൽ-എൻ) നേതൃത്വത്തിലുള്ള സർക്കാരും സഖ്യകക്ഷികളും തീരുമാനിച്ചതായും തരാർ അറിയിച്ചു.
English Summary: Alleged anti-national activities: Pakistan govt to ban Imran Khan’s party
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.