ബോളിവുഡ് നടന്‍ അമിതാഭ് ബച്ചന്റെ ബോഡിഗാര്‍ഡായി ജോലി ചെയ്ത പൊലീസ് ഉദ്യോഗസ്ഥന് സസ്പെന്‍ഷന്‍. പൊലീസ് കോണ്‍സ്റ്റബിള്‍ ജിതേന്ദ്ര ഷിന്‍ഡെയാണ് പൊലീസായി സര്‍വീസിലിരിക്കെ നടന്റെ ബോഡിഗാര്‍ഡായി സേവനമനുഷ്ടിച്ചത്. സര്‍വീസ് ചട്ടങ്ങള്‍ ലംഘിച്ചെന്നാരോപിച്ചാണ് ഉദ്യോഗസ്ഥനെ സസ്പെന്‍ഡ് ചെയ്തത്. സംഭവത്തില്‍ വകുപ്പുതല അന്വേഷണത്തിനും ഉന്നത ഉദ്യോഗസ്ഥര്‍ ഉത്തരവിട്ടു. 2015 മുതല്‍ 2021 ഓഗസ്റ്റ് വരെ നടന്റെ ബോഡിഗാര്‍ഡായി ജിതേന്ദ്ര ജോലി ചെയ്തുവെന്നാണ് ആരോപണം.
ഇതുവഴി 1.5 കോടി രൂപ ഇദ്ദേഹത്തിന് അധിക വാര്‍ഷിക വരുമാനമുണ്ടായെന്നും മുംബൈ പൊലീസ് കമ്മിഷ്ണര്‍ ഹേമന്ദ് നഗ്റലെ പറഞ്ഞു. മുതിര്‍ന്ന പൊലീസ് ഉദ്യോഗസ്ഥരെ അറിയിക്കാതെ ദുബായിലും സിങ്കപ്പൂരിലും വരെ ഇയാള്‍ യാത്ര ചെയ്തിരുന്നതായും കണ്ടെത്തി. ഭാര്യയുടെ പേരില്‍ സുരക്ഷാ ഏജന്‍സി തുടങ്ങിയായിരുന്നു ഇയാള്‍ സര്‍വീസിനൊപ്പം ബോഡിഗാര്‍ഡായി ജോലി ചെയ്തിരുന്നത്. നിലവില്‍ രണ്ട് ഷിഫ്റ്റിലായി നാലു പൊലീസ് കോണ്‍സ്റ്റബിള്‍ ഉള്‍പ്പെടുന്ന ‘X’ കാറ്റഗറി സുരക്ഷയാണ് അമിതാഭ്ബച്ചനുള്ളത്.
English Summary: Also works as a bodyguard of Bachan while in service: Annual income of Rs 1.5 crore, finally police officer suspended
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.