ന്യുമോണിയ മാറാൻ ഇരുമ്പ് ദണ്ഡ് പ്രയോഗം; അഞ്ചുമാസം പ്രായമുള്ള കുഞ്ഞ് മരിച്ചു

ന്യുമോണിയ മാറുമെന്ന അന്ധവിശ്വാസത്തിന്റെ പേരില്‍ ചൂടുള്ള ഇരുമ്പ് ഉപയോഗിച്ച്‌ പൊള്ളിച്ച പിഞ്ചുകുഞ്ഞ് മരണപ്പെട്ടു. മധ്യപ്രദേശിലെ ഷാഡോള്‍ ജില്ലയിലാണ് അഞ്ച് മാസം പ്രായമുള്ള കുഞ്ഞ് ദാരുണമായി മരിച്ചത്. രണ്ട് മാസത്തിനുള്ളില്‍ സമാനമായ രീതിയില്‍ മരിക്കുന്ന അഞ്ചാമത്തെ കുട്ടിയാണിത്.

പാത്ര ഗ്രാമത്തിലെ രാംദാസ് കോളിന്റെ മകൻ ഹൃഷഭ് കോള്‍ ആണ് പൊള്ളലേറ്റ് മരിച്ചത്. ഗുരുതരാവസ്ഥയിലായ കുഞ്ഞിനെ ആദ്യം ജില്ലാ ആശുപത്രിയില്‍ പ്രവേശിപ്പിച്ചു. പിന്നീട് മെഡിക്കല്‍ കോളജിലേക്ക് റഫർ ചെയ്യുകയുമായിരുന്നു. ചികിത്സയ്ക്കിടെ കഴിഞ്ഞ ദിവസമാണ് കുഞ്ഞ് മരിക്കുന്നത്.

Eng­lish Sum­ma­ry: Appli­ca­tion of iron rod to cure pneu­mo­nia; A five-month-old baby died

You may also like this video