പോളണ്ടിൽ മലയാളി യുവാവ് കുത്തേറ്റ് മരിച്ച സംഭവത്തില് നാല് ജോർജിയന് പൗരന്മാര് അറസ്റ്റില്. തൃശ്ശൂര് ഒല്ലൂര് സ്വദേശി സൂരജ് (23) ആണ് കൊല്ലപ്പെട്ടത്. ജോർജിയന് പൗരന്മാരുമായുള്ള വാക്കുതർക്കത്തിനിടെയാണ് യുവാവ് ആക്രമിക്കപ്പെട്ടത്. അറസ്റ്റ് വിവരം പോളണ്ട് പൊലീസ് ഇന്ത്യൻ എംബസിയെ അറിയിച്ചു.
മലയാളി യുവാക്കളും ജോർജിയന് പൗരന്മാരും തമ്മില് തര്ക്കമുണ്ടാവുകയും സൂരജ് പിടിച്ചുമാറ്റാന് ശ്രമിക്കുന്നതിനിടയില് കുത്തേല്ക്കുകയുമായിരുന്നുവെന്നാണ് റിപ്പോര്ട്ട്. പോളണ്ടിലുള്ള മലയാളികളാണ് ഇന്നലെ രാവിലെ എട്ടേമുക്കാലോടെ ഒല്ലൂരിലെ സൂരജിന്റെ സുഹൃത്തുക്കളെ മരണ വിവരം അറിയിക്കുന്നത്. ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ലെന്നായിരുന്നു കൈമാറിയ വിവരം. പിന്നാലെ കുടുംബവും സുഹൃത്തുക്കളും വിദേശ കാര്യ മന്ത്രാലയവുമായി ബന്ധപ്പെട്ടു. ഉച്ചയോടെ സംഭവം സ്ഥിരീകരിച്ചതായി ബന്ധുക്കള് അറിയിച്ചു. അറയ്ക്കല് വീട്ടില് മുരളീധരന്റെയും സന്ധ്യയുടെയും മകനാണ് സൂരജ്. അഞ്ചുമാസം മുമ്പാണ് ഐടിഐ ബിരുദധാരിയായ യുവാവ് പോളണ്ടിലേക്ക് പോയത്. സ്വകാര്യ കമ്പനിയിയില് സൂപ്പര്വൈസറായിരുന്നു. സൂരജിന്റെ മൃതദേഹം നാട്ടിലെത്തിക്കാനുള്ള ശ്രമം ബന്ധുക്കള് തുടങ്ങി.
English Summary: police arrested georgian citizen on malayali murder case
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.