ചൈന കോവിഡിനെ കുറിച്ചുള്ള നിർണായക വിവരങ്ങൾ മറച്ചുവെക്കുന്നുവെന്ന് യു. എസ് പ്രസിഡന്റ് ജോ ബൈഡൻ. കോവിഡിന്റെ വരവിനെ കുറിച്ചുള്ള നിർണായക വിവരങ്ങൾ ചൈന ഇപ്പോഴും രഹസ്യമാക്കി വെച്ചിരിക്കുകയാണ്.
കോവിഡ് സംബന്ധിച്ച് വ്യക്തത വരുത്താനുള്ള അഭ്യർഥനകൾ ഇതുവരെ ചൈന ഗൗരവത്തിലെടുത്തിട്ടില്ല. ആ വിവരങ്ങൾ കോവിഡിനെ കുറിച്ച് പഠിക്കുന്ന അന്താരാഷ്ട്ര സംഘത്തിനും ആരോഗ്യവിദഗ്ധർക്കും നൽകാതെ ചൈനീസ് സർക്കാർ പൂഴ്ത്തിവെച്ചിരിക്കുകയാണെന്നും ബൈഡൻ ആരോപിച്ചു.
ലോകത്ത് കോവിഡ് രോഗികളുടെ എണ്ണം വർധിക്കുന്നത് തുടരുമ്പോൾ വിവരങ്ങൾ ചൈന പൂഴ്ത്തിവെക്കുകയാണെന്നും ബൈഡൻ പറഞ്ഞു. ഇക്കാര്യത്തിൽ വിവരങ്ങൾ പുറത്ത് വിടാൻ ചൈനക്ക് മേൽ കൂടുതൽ സമ്മർദം ചെലുത്തുമെന്നും അദ്ദേഹം കൂട്ടിച്ചേർത്തു. അതേസമയം, യു. എസിലെ രഹസ്യാന്വേഷണ ഏജൻസികൾ കൊറോണ വൈറസ് ഒരു ജൈവായുധമാണെന്ന വാദത്തെ തള്ളിക്കളയുന്നുണ്ട്.
english summary;Biden says China is hiding crucial information about covid
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.