നാലാം പാദ അറ്റാദായം മോശമായതിനെ തുടർന്ന് ഇൻഫോസിസ് ടെക്നോളജീസ് ഓഹരികള്‍ക്ക് ഇടിവ്. ഇന്നലെ വ്യാപാരത്തുടക്കത്തിൽ തന്നെ പത്തു ശതമാനം ഇടിഞ്ഞു. പിന്നീടു 12 ശതമാനത്തിലേക്കു വീണെങ്കിലും 9.2 ശതമാനത്തില്‍ നില മെച്ചപ്പെടുത്തി.
വിപണി മൂല്യത്തിൽ 73,060.65 കോടി രൂപ നഷ്ടപ്പെടുത്തിയ ഇന്‍ഫോസിസ് ഇടിവില്‍ സെൻസെക്സും നിഫ്റ്റിയും ഒന്നേകാൽ ശതമാനത്തിലധികം താഴ്ന്നു. ഇന്‍ഫോസിസിനൊപ്പം മറ്റു പ്രമുഖ ഐടി കമ്പനികളും ഇടിഞ്ഞു. ടിസിഎസ്, വിപ്രോ, എച്ച്സിഎൽ തുടങ്ങിയവ അഞ്ചു ശതമാനം വരെ താണു.
ഇന്‍ഫോസിസ് കഴിഞ്ഞയാഴ്ച പുറത്തുവിട്ട മാര്‍ച്ച്‌ പാദ കണക്കുകളില്‍ കമ്പനിയുടെ അറ്റാദായം പ്രതീക്ഷിച്ചതിലും കുറവാണ്. ജനുവരി-മാര്‍ച്ച്‌ പാദത്തില്‍ ഏകീകൃത അറ്റാദായം 7.8 ശതമാനം വര്‍ധിച്ച്‌ 6,128 കോടി രൂപയായി.
കഴിഞ്ഞ ഒക്ടോബര്‍-ഡിസംബര്‍ പാദത്തെ അപേക്ഷിച്ച്‌ ലാഭത്തില്‍ ഏഴ് ശതമാനം ഇടിവുണ്ടായി. 2024 സാമ്പത്തിക വർഷത്തേക്കുള്ള ദുർബലമായ 4–7 ശതമാനം വരുമാന വളർച്ചാക്കണക്കും വലിയ ഇടിവിനു കാരണമായി.
English Summary: Big fall in Infosys share price
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.