മുഗൾ കാലഘട്ടത്തിലെ താജ്മഹലും കുത്തബ് മിനാറും തകർത്ത് ക്ഷേത്രങ്ങൾ സ്ഥാപിക്കണമെന്ന് പ്രധാനമന്ത്രി നരേന്ദ്ര മോഡിയോട് ആവശ്യപ്പെട്ട് അസമിലെ മരിയാനിയിൽ നിന്നുള്ള ബിജെപി നിയമസഭാംഗം. “താജ്മഹലും കുത്തബ് മിനാറും തകർത്ത് ലോകത്തിലെ ഏറ്റവും മനോഹരമായ ക്ഷേത്രം പണിയാൻ ഞാൻ പ്രധാനമന്ത്രി മോഡിയോട് അഭ്യർത്ഥിക്കുന്നു”, എംഎൽഎ രൂപജ്യോതി കുർമി മാധ്യമങ്ങളോട് പറഞ്ഞു.
കൂടാതെ, മറ്റൊരു സ്ഥാപനത്തിനും അടുത്തു വരാൻ കഴിയാത്ത തരത്തിലായിരിക്കണം ക്ഷേത്രത്തിന്റെ വാസ്തുവിദ്യയെന്നും എംഎൽഎ വ്യക്തമാക്കി. തന്റെ ഒരു വർഷത്തെ മുഴുവൻ ശമ്പളവും ക്ഷേത്ര നിർമ്മാണത്തിന് നൽകാൻ തയ്യാറാണെന്നും രൂപജ്യോതി കുർമി അറിയിച്ചു.
നാഷണൽ കൗൺസിൽ ഓഫ് എജ്യൂക്കേഷണൽ റിസർച്ച് ആന്റ് ട്രെയിനിങ് (എൻസിഇആർടി) പാഠപുസ്തകങ്ങളിലും സിലബസിലും രണ്ട് ചരിത്ര സ്മാരകങ്ങളെ ഒഴിവാക്കി പരിഷ്കരിച്ചതിന് പിന്നാലെയാണ് ബിജെപി എംഎല്‍എയുടെ പരാമര്‍ശം. 2023–2024 ലെ നിലവിലെ അക്കാദമിക് സെഷൻ മുതൽ മാറ്റങ്ങൾ ബാധകമാകുമെന്ന് എൻസിഇആർടി അറിയിച്ചിരുന്നു.
English Summary; BJP MLA wants to demolish Taj Mahal and Qutab Minar
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.