പത്തനംതിട്ട സിവിൽ സ്റ്റേഷനിലെ കളക്ടറേറ്റ് ഓഫീസിൽ ബോംബ് ഭീഷണി. ഇമെയിൽ മുഖേനയാണ് സന്ദേശം ലഭിച്ചത്. കളക്ടറേറ്റിൽ ബോംബ് വെച്ചിട്ടുണ്ടെന്നും അതോടൊപ്പം തമിഴ് നടൻ വിജയ്യുടെ ചെന്നൈയിലെ വീടിനും ബോംബ് വെക്കുമെന്നും ഇമെയിലിൽ ഭീഷണിയുണ്ട്. ഭീഷണി സന്ദേശത്തെത്തുടർന്ന് കളക്ടറേറ്റിൽ അതീവ ജാഗ്രത പ്രഖ്യാപിച്ചു.
ജില്ലാ പൊലീസ് മേധാവിയുടെ ഓഫീസിൽ നിന്നുള്ള പ്രത്യേക സംഘവും ബോംബ് സ്ക്വാഡും സ്ഥലത്തെത്തി വിശദമായ പരിശോധന നടത്തിവരികയാണ്. കളക്ടർ പ്രേം കൃഷ്ണൻ സംഭവത്തിൽ അന്വേഷണം നടത്താൻ എസ്പിക്ക് നിർദ്ദേശം നൽകി. മുമ്പും പലതവണ പത്തനംതിട്ട കളക്ടറേറ്റിൽ ഇത്തരത്തിൽ വ്യാജ ബോംബ് ഭീഷണികൾ ഉണ്ടായിട്ടുണ്ട്. ഇമെയിലിന്റെ ഉറവിടം കണ്ടെത്താനായി സൈബർ സെല്ലിന്റെ സഹായത്തോടെ പൊലീസ് അന്വേഷണം ഊർജ്ജിതമാക്കി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.