എൽടിടി (ലോകമാന്യതിലക്) ടെർമിനസിൽ നിർത്തിയിട്ടിരുന്ന ട്രെയിനിന്റെ എസി കോച്ചിലെ ചവറ്റുകുട്ടയിൽ 4 വയസുകാരന്റെ മൃതദേഹം കണ്ടെത്തി. ഗുജറാത്തിലെ സൂറത്തിൽനിന്ന് കാണാതായ കുട്ടിയാണു കൊല്ലപ്പെട്ടതെന്നാണു പൊലീസിന്റെ പ്രാഥമികനിഗമനം. അതിനാൽ, ആ വീട്ടുകാരെ വിവരം അറിയിച്ചിട്ടുണ്ട്. ഇന്നലെ പുലർച്ചെ യാത്ര ആരംഭിക്കുന്നതിനു മുമ്പ് കോച്ചുകൾ വൃത്തിയാക്കാനെത്തിയ ശുചീകരണ തൊഴിലാളിയാണു ഖുഷിനഗർ എക്സ്പ്രസിലെ (22537) ബി2 കോച്ചിൽ മൃതദേഹം കണ്ടത്. മുംബൈയിൽനിന്ന് ഉത്തർപ്രദേശിലെ ഗോരഖ്പുരിലേക്കു സർവീസ് നടത്തുന്ന ട്രെയിനാണിത്. സംഭവത്തിൽ റെയിൽവേ പൊലീസ് കേസെടുത്തു. മൃതദേഹം പോസ്റ്റ്മോർട്ടത്തിന് അയച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.