മുഴവന് സമ്പാദ്യവും മുഖ്യമന്ത്രിയുടെ വാക്സിന് ചലഞ്ചിലേക്ക് സംഭാവനചെയ്ത ചാലാടന് ജനാര്ദനന് (65) അന്തരിച്ചു. കണ്ണൂര് കുറുവ പാലത്തിനടുത്തുള്ള അവേരയിലെ വീട്ടില് കുഴഞ്ഞുവീഴുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും മരിച്ചു. ബീഡിത്തൊഴിലാളിയായിരുന്നു. ബീഡി തെറുപ്പ് കമ്പനിയിൽ നിന്ന് കിട്ടിയ ആകെ സമ്പാദ്യത്തിൽ നിന്ന് വലിയൊരു ഭാഗമാണ് ജനാർദ്ദനൻ സർക്കാരിന്റെ ജനക്ഷേമപ്രവർത്തനത്തിന് നൽകിയത്.
കേരളാ ബാങ്കിന്റെ കണ്ണൂര് മെയിന് ശാഖയിലെ അക്കൗണ്ടിലുണ്ടായിരുന്ന പണം വാക്സീന് ചലഞ്ചിനായി സംഭാവന ചെയ്തശേഷം പേര് പോലും വെളിപ്പെടുത്താന് ആഗ്രഹിക്കുന്നില്ലെന്ന് അറിയിച്ച് ഇറങ്ങിപ്പോവുകയായിരുന്നു. എന്നാല്, ഇക്കാര്യം ബാങ്ക് ജീവനക്കാരന് ഫെയ്സ്ബുക്ക് വഴി ലോകത്തെ അറിയിക്കുകയായിരുന്നു.
പതിമൂന്നാം വയസ്സില് ബീഡിതെറുപ്പ് തുടങ്ങിയ ജനാര്ദനന് എട്ടാം ക്ലാസ് വരെയേ പഠിച്ചുള്ളൂ. പിന്നീട് ദിനേശ് ബീഡി കമ്പനിയില് 36 വര്ഷത്തോളം ജോലിചെയ്തു. ഭാര്യ പുന്നത്തുംചാല് രജനിയും ദിനേശ് ബീഡി തൊഴിലാളിയായിരുന്നു.
English Summary: chaladan janardhanan passes away
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.