സിവിൽ സർവീസ് ഉദ്യോഗാർത്ഥികൾ മരിച്ച സംഭവത്തിൽ കേന്ദ്രത്തിനും ഡൽഹി സർക്കാരിനും നോട്ടീസ് അയച്ച് സുപ്രീം കോടതി. കോച്ചിങ് സെന്ററുകളിലെ സുരക്ഷാലംഘനത്തെത്തുടര്ന്ന് ഉദ്യോഗാര്ത്ഥികള് മരിച്ച സംഭവത്തില് അധികാരികളെ വിമര്ശിച്ച കോടതി, സെന്ററുകള് മരണ അറകളായി മാറുന്നുവെന്ന് അഭിപ്രായപ്പെട്ടു. അധികാരികള് കുട്ടികളുടെ ജീവൻവെച്ച് കളിക്കുകയാണെന്നും ജസ്റ്റിസ് സൂര്യകാന്ത്, ജസ്റ്റിസ് ഉജ്ജൽ ഭൂയാൻ എന്നിവർ പറഞ്ഞു.
ഡൽഹിയിൽ മാത്രം നൂറുകണക്കിന് കോച്ചിങ് സെന്ററുകളുണ്ട്. ഇത്തരത്തിലുള്ള കോച്ചിങ് സെന്ററുകൾക്ക് എന്തെല്ലാം നിയമങ്ങളാണ് ഏർപ്പെടുത്തിയിരിക്കുന്നതെന്ന് വ്യക്തമാക്കണമെന്നും കോടതി ആവശ്യപ്പെട്ടു.
പരിശീലനകേന്ദ്രങ്ങളില് വെന്റിലേഷനും സുരക്ഷിതമായ പ്രവേശന കവാടങ്ങളും പുറത്തുകടക്കലും ഉൾപ്പെടണം, കോടതി പറഞ്ഞു. സുരക്ഷാമാനദണ്ഡങ്ങള് പാലിക്കാത്ത എല്ലാ കേന്ദ്രങ്ങളും അടച്ചുപൂട്ടണമെന്നുള്ള ഡല്ഹി ഹൈക്കോടതി ഉത്തരവിനെ ചോദ്യം ചെയ്തുള്ള കോച്ചിംഗ് ഇൻസ്റ്റിറ്റ്യൂട്ട് ഫെഡറേഷന്റെ ഹര്ജി പരിഗണിക്കുകയായിരുന്നു കോടതി. മൂന്ന് ഡസനോളം കേന്ദ്രങ്ങള് അടച്ചുപൂട്ടാനുത്തരവിട്ട കോടതി, ഒരു ലക്ഷം രൂപ പിഴയും ചുമത്തി.
ഡല്ഹിയിലെ മരണത്തില് കോച്ചിംഗ് സെന്റർ ഉടമ ഉള്പ്പെടെ ഏഴുപേര് അറസ്റ്റിലായിട്ടുണ്ട്.
English Summary: “Coaching centers become dea th chambers”: Supreme Court slams Delhi tragedy
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.