ഇസ്രയേലുമായുള്ള മുഴുവന് നയതന്ത്രബന്ധങ്ങളും അവസാനിപ്പിച്ച് കൊളംബിയ. ഗാസയിലെ യുദ്ധത്തില് ഇസ്രയേല് എല്ലാ മനുഷ്യാവകാശങ്ങളും അന്താരാഷ്ട്ര നിയമങ്ങളും ലംഘിച്ചുവെന്ന് ചൂണ്ടിക്കാട്ടിയാണ് പ്രസിഡന്റ് ഗുസ്താവോ പെടട്രോയുടെ പ്രഖ്യാപനം.
ഗാസയില് ഇസ്രയേലി സൈന്യം നടത്തുന്ന അതിക്രമങ്ങള്ക്ക് മുമ്പില് ലോകരാഷ്ട്രങ്ങള് മൗനം പാലിക്കുകയാണെന്നും ഗുസ്താവോ പറഞ്ഞു. അന്താരാഷ്ട്ര തൊഴിലാളി ദിനത്തില് സംസാരിക്കുന്നതിനിടയിലാണ് ഗുസ്താവോയുടെ പ്രസ്താവന. വംശഹത്യക്ക് പിന്തുണ നല്കുന്ന പ്രധാനമന്ത്രിയാണ് ഇസ്രയേലിന്റേതെന്നും അദ്ദേഹം ചൂണ്ടിക്കാട്ടി. ആയതിനാല് ഇസ്രയേലുമായുള്ള എല്ലാ നയതന്ത്ര ബന്ധങ്ങളും കൊളമ്പിയ അവസാനിപ്പിക്കുകയാണ് ഗുസ്താവോ പ്രഖ്യാപിച്ചു.
ഇതിനുപുറമെ ഇസ്രയേലിനെതിരെയുള്ള വംശഹത്യ കേസില് ഐസിസിയോടൊപ്പം അന്താരാഷ്ട്ര നീതിന്യായ കോടതിയും ഇടപെടണമെന്ന് കൊളംബിയന് സര്ക്കാര് ആവശ്യപ്പെട്ടിരുന്നു.ഇസ്രയേലിന്റെയും പ്രധാനമന്ത്രി ബെഞ്ചമിന് നെതന്യാഹുവിന്റെയും പ്രധാന വിമര്ശകരില് ഒരാളാണ് ലാറ്റിനമേരിക്കയില് നിന്നുള്ള ഇടതുപക്ഷ നേതാവ് ഗുസ്താവോ പെട്രോ.ഇസ്രയേല് പ്രതിരോധമന്ത്രി യോവ് ഗാലന്റ് ജൂതന്മാരിലെ നാസിയെ പോലെയാണ് സംസാരിക്കുന്നതെന്നും പെട്രോ ചൂണ്ടിക്കാട്ടിയിരുന്നു.
ഇസ്രയേല് ഗാസയില് അധിനിവേശം ആരംഭിച്ച് ദിവസങ്ങള്ക്കുള്ളില് പെട്രോ നടത്തിയ വിമര്ശനമായിരുന്നു ഇത്.രാജ്യവുമായുള്ള നയതന്ത്ര ബന്ധം വിച്ഛേദിക്കാനുള്ള കൊളംബിയയുടെ തീരുമാനത്തില് ഇസ്രേയേല് ഇതുവരെ പ്രതികരിച്ചിട്ടില്ല.അതേസമയം കഴിഞ്ഞ 24 മണിക്കൂറിനുള്ളില് ഇസ്രഈല് സൈന്യം 33 ഫലസ്തീനികളെ കൊലപ്പെടുത്തുകയും 57 പേര്ക്ക് പരിക്കേല്ക്കുകയും ചെയ്തതായി മന്ത്രാലയം അറിയിച്ചു. കൊല്ലപ്പെട്ടവരില് കൂടുതല് കുഞ്ഞുങ്ങളും സ്ത്രീകളുമാണെന്നും ആരാഗ്യ മന്ത്രാലയത്തിന്റെ കണക്കുകള് സൂചിപ്പിക്കുന്നു
English Summary:
Colombia cuts all diplomatic ties with Israel
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.