ധനസഹായം അനുവദിക്കുന്നതിനായി Next of kin സാക്ഷ്യ പത്രം അടിസ്ഥാനമാക്കി വയനാട് ഉരുള്പൊട്ടലില് മരണപ്പെട്ടവരുടെ അവകാശികള്ക്ക് സംസ്ഥാന ദുരന്ത നിവാരണ അതോറിറ്റിക്കുള്ള അധികാരത്തിന് വിധേയമായി നഷ്ടപരിഹാരം നല്കുന്നതിന് ഉത്തരവ് പുറപ്പെടുവിക്കുമെന്ന് മുഖ്യമന്ത്രി പിണറായി വിജയന്.
കോവിഡ് ‑19ന്റെ സമയത്ത് സ്വീകരിച്ചതിന് സമാനമായ രീതിയാണിത്.ഇതനുസരിച്ചു പിന്തുടര്ച്ചാവകാശ സര്ട്ടിഫിക്കറ്റ് കൂടാതെ തന്നെ ഭാര്യ/ഭര്ത്താവ് / മക്കള്/ മാതാപിതാക്കള് എന്നിവര്ക്ക് നഷ്ടപരിഹാരം ലഭിക്കും-അദ്ദേഹം വ്യക്തമാക്കി.സഹോദരന്, സഹോദരി എന്നിവര് ആശ്രിതര് ആണെങ്കില് അവര്ക്കും ധനസഹായം ലഭിക്കും.
പിന്തുടര്ച്ചാവകാശ സര്ട്ടിഫിക്കറ്റ് ലഭിക്കുന്നതിനുള്ള കാലതാമസം പൂര്ണ്ണമായും ഒഴിവാക്കാനാകും. പിന്തുടര്ച്ചാവകാശ സര്ട്ടിഫിക്കറ്റ് അനുവദിക്കുന്നതിനുമുമ്പ് ആക്ഷേപമുന്നയിക്കുന്നതിനുള്ള നോട്ടീസ് സമയപരിധിയായ 30 ദിവസമെന്നുള്ളത് പൂര്ണ്ണമായും ഒഴിവാക്കും.ദുരന്തത്തില്പ്പെട്ട കാണാതായ വ്യക്തികളുടെ ആശ്രിതര്ക്കും സഹായം നല്കേണ്ടതുണ്ട്. ഈ വിഷയത്തില് പെട്ടിമുടി ദുരന്തത്തില് കാണാതായവരുടെ കാര്യത്തില് പുറപ്പെടുവിച്ചതുപോലെ പൊലീസ് നടപടികള് പൂര്ത്തിയാക്കി പട്ടിക തയ്യാറാക്കി പ്രസിദ്ധികരിക്കും. അത് അടിസ്ഥാനപ്പെടുത്തി ഉത്തരവ് പുറപ്പെടുവിക്കുമെന്നും മുഖ്യമന്ത്രി പിണറായി വിജയന് പറഞ്ഞു
English Summary:
Compensation of losses subject to the authority of the State Disaster Management Authority
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.