എൻഡിഎ സ്ഥാനാർഥി സി പി രാധാകൃഷ്ണൻ രാജ്യത്തിന്റെ പുതിയ ഉപരാഷ്ട്രപതിയായി തിരഞ്ഞെടുക്കപ്പെട്ടു. ഉപരാഷ്ട്രപതി തിരഞ്ഞെടുപ്പിൽ അദ്ദേഹം 452 വോട്ടുകൾ നേടിയപ്പോൾ, ഇന്ത്യാ സഖ്യത്തിന്റെ സ്ഥാനാർത്ഥിയായിരുന്ന സുദർശൻ റെഡ്ഡിക്ക് 300 വോട്ടുകളാണ് ലഭിച്ചത്. 767 വോട്ടുകൾ പോൾ ചെയ്തതിൽ 752 എണ്ണവും സാധുവായിരുന്നു.
ആർഎസ്എസിലൂടെ രാഷ്ട്രീയ ജീവിതം ആരംഭിച്ച സി പി രാധാകൃഷ്ണൻ തമിഴ്നാട് ബിജെപി മുൻ അധ്യക്ഷനായും കേരളത്തിന്റെ പ്രഭാരിയായും പ്രവർത്തിച്ചിട്ടുണ്ട്. കോയമ്പത്തൂരിൽ നിന്ന് രണ്ടുതവണ ലോക്സഭയിലേക്ക് തിരഞ്ഞെടുക്കപ്പെട്ട അദ്ദേഹം ഝാർഖണ്ഡ്, പുതുച്ചേരി, തെലങ്കാന എന്നിവിടങ്ങളിൽ ഗവർണർ പദവികളും വഹിച്ചിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.