കഞ്ഞിക്കുഴിയിലെ ഭിന്നശേഷി കാർഷിക കൂട്ടായ്മയുടെ ചീര കൃഷി വിളവെടുപ്പ് ജില്ലാ പഞ്ചായത്ത് പ്രസിഡന്റ് കെ ജി രാജേശ്വരി നിർവഹിച്ചു. നാലാം വാർഡിൽ പാട്ടത്തിനെടുത്ത ഒരേക്കർ സ്ഥലത്താണ് ഭിന്നശേഷി വിഭാഗത്തിൽപ്പെട്ടവർ ചേർന്ന് രൂപീകരിച്ച കാർഷിക കൂട്ടായ്മ യായ കരുതൽ കൃഷി ക്കൂട്ടത്തിന്റെ നേതൃത്വത്തിൽ കൃഷി ഇറക്കിയത്. ഗ്രാമപഞ്ചായത്ത് പ്രസിഡന്റ് ഗീതാ കാർത്തികേയൻ അധ്യക്ഷത വഹിച്ചു.ചടങ്ങിൽ വൈസ് പ്രസിഡന്റ് എം സന്തോഷ് കുമാർ , പഞ്ചായത്ത് ആസൂത്രണ സമിതി ഉപാദ്ധ്യക്ഷൻ സി പി ദിലീപ്, പഞ്ചായത്തംഗം ഫെയ്സി, കൃഷി ഓഫീസർ റോസ്മി ജോർജ് ജീവനക്കാരായ രജിത, സന്ദീപ് വെറൈറ്റി ഫാർമർസുജിത്ത്, കൃഷിക്കൂട്ടം കൺവിനർ സിജി, ആശ എന്നിവർ സംസാരിച്ചു. ചീരയോടൊപ്പം വഴുതനയും വെണ്ടയും പയറും വരമ്പിൽ നട്ടു പരിപാലിക്കുന്നുണ്ട്.
ബന്ദിപ്പൂവ് കൃഷിയും ഇക്കൂടെയുണ്ട്. ഇത്തവണ ഓണക്കാലത്ത് വിപുലമായ വിപണി ഒരുക്കുവാനുള്ള തയ്യാറെടുപ്പിലാണ് എട്ടംഗ ഭിന്നശ്ശേഷി കർഷക കൂട്ടായ്മ.വിളവെടുത്ത ചീര തുടർ ദിവസങ്ങളിൽ അയ്യപ്പഞ്ചേരി ക്കുസമീപം ചെറുവാരണം സർവ്വീസ് സഹകരണ ബാങ്കിനു സമീപം വിൽപ്പനയ്ക്കുണ്ടാവും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.