ഗുജറാത്തിലെ സൂറത്തില് അഞ്ച് നില കെട്ടിടം തകര്ന്ന് വീണ് മരിച്ചവരുടെ എണ്ണം ഏഴായി. നിരവധി പേരാണ് കെട്ടിടാവശിഷ്ടങ്ങള്ക്ക് അടിയില് കുടുങ്ങിക്കിടക്കുന്നതായി പുറത്ത് വരുന്ന വിവരം. അതേസമയം രക്ഷാപ്രവര്ത്തനം ഇപ്പോഴും തുടരുകയാണ്. ഇന്നലെ വൈകുന്നേരം മൂന്ന് മണിയോടെയായിരുന്നു കെട്ടിടം തകര്ന്ന് വീണത്. സൂറത്തിന് സമീപം സച്ചിന്പാലി ഗ്രാമത്തില് ടെക്സ്റ്റൈല് തൊഴിലാളികള് കുടുംബമായി താമസിക്കുന്ന കെട്ടിടമാണ് തകര്ന്നു വീണത്. എട്ട് വര്ഷം മുന്പമാണ് ഈ കെട്ടിടം നിര്മ്മിച്ചത്.
30 അപ്പാര്ട്ട്മെന്റ് ഉണ്ടായിരുന്ന കെട്ടിടത്തില് അഞ്ചെണ്ണത്തില് മാത്രമാണ് താമസക്കാരുണ്ടായിരുന്നത്. രക്ഷാപ്രവര്ത്തനത്തിന്റെ തുടക്കത്തില് കെട്ടിടാവശിഷ്ടങ്ങള്ക്കിടയില് നിന്ന് കുടുങ്ങിക്കിടക്കുന്നവരുടെ ശബ്ദം കേള്ക്കാമായിരുന്നു എന്നാണ് രക്ഷാപ്രവര്ത്തകര് പറയുന്നത്. സ്റ്റേറ്റ് ഡിസാസ്റ്റര് റെസ്പോണ്സ് ഫോഴ്സിന്റേയും നാഷണല് ഡിസാസ്റ്റര് റെസ്പോണ്സ് ഫോഴ്സിന്റേയും നേതൃത്വത്തിയാണ് രക്ഷാപ്രവര്ത്തനം നടക്കുന്നത്.
English Summary:Death toll rises to seven after five-storey building collapses in Surat
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.