കാര്‍ഷിക ഉല്പന്നങ്ങള്‍ക്ക് താങ്ങുവില പ്രഖ്യാപിക്കണം എന്നതുള്‍പ്പെടെ വിവിധ ആവശ്യങ്ങള്‍ ഉന്നയിച്ച് കര്‍ഷക സംഘടനകളുടെ നേതൃത്വത്തില്‍ സംയുക്ത കിസാന്‍ മോര്‍ച്ച (എന്‍പി വിഭാഗം) നടത്തുന്ന ദില്ലി ചലോ മാര്‍ച്ച് ഇന്ന്. കര്‍ഷക പ്രതിഷേധത്തിന് തടയിടാന്‍ ഡല്‍ഹിയില്‍ നിരോധനാജ്ഞ പ്രഖ്യാപിച്ചു. ഡല്‍ഹി അതിര്‍ത്തി പ്രദേശമായ സിംഘു, ടിക്രി, ഗാസിപ്പൂര്‍ എന്നിവിടങ്ങളില്‍ വന്‍ പൊലീസ് ബന്തവസ്സാണ് ഒരുക്കിയിരിക്കുന്നത്.
ഡല്‍ഹിലേക്ക് കര്‍ഷകര്‍ എത്താതിരിക്കാന്‍ വലിയ കോണ്‍ക്രീറ്റ് ബ്ലോക്കുകള്‍ ഉപയോഗിച്ച് വഴി തടഞ്ഞിട്ടുണ്ട്. ഇതിനു പുറമെ ഇരുമ്പാണികളുള്ള മുള്‍വേലികളും സ്ഥാപിച്ചു. ഡല്‍ഹിയിലെ നിരോധനാജ്ഞ ഒരു മാസത്തേക്കാണ്. ആളുകള്‍ കൂട്ടം ചേരുന്നത് പൂര്‍ണ്ണമായും വിലക്കിയുള്ള ഉത്തരവാണ് ഡല്‍ഹി പൊലീസ് പുറപ്പെടുവിച്ചിരിക്കുന്നത്. ട്രാക്ടറുകള്‍, ട്രക്കുകള്‍, ബസുകള്‍, വാണിജ്യ വാഹനങ്ങള്‍ എന്നിവ ഡല്‍ഹിയിലേക്ക് പ്രവേശിക്കുന്നത് നിരോധിച്ചിട്ടുണ്ട്. മൊബൈല്‍ ഇന്റര്‍നെറ്റ് സേവനങ്ങള്‍ക്കും വിലക്കുണ്ട്. യുദ്ധസമാനമായ മുന്നൊരുക്കങ്ങളാണ് ഉത്തര്‍ പ്രദേശ്, ഹരിയാന അതിര്‍ത്തികളിലും നടത്തിയിരിക്കുന്നത്.
English Summary: Delhi Chalo March today; Prohibitory order in Delhi
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.